DILI,
(ANTIL) – Governu liu-hosi Ministériu Edukasaun (ME) despede tan estudante
na’in 24 hodi ba estuda iha Cavo-Verde, na’in ida deziste.
”Atribuisaun
bolsu estudu ba timoroan ne’e demonstra komprímisu governu hodi kontinua
dezenvolve rekursu umanu Timor-Leste ba di’ak, hodi toma responsabilidade iha
futuru ba dezenvolvimentu nasaun ne’e nian”, Ministru Edukasaun, António da
Conceição perante bolseiru, inan-aman no mídia sira iha ME, Vila-Verde, Kuarta
(7/9).
Baze
ida ne’e, alende ho difikuldade orsamentál maibé, iha tinan létivu, tinan
finanseiru ida ne’e, ME hamutuk ho Fundo Desenvolvimento Capital Humano (FDCH)
defende orsamentu ida hodi atribui bolsu estudu ba estudante no timoroan sira.
”Se
ida ne’e maka kompromisu governu hodi halo, obrigasaun mós estudante sira nian
hodi asumi responsabilidade ba oportunidade ne’ebé maka governu fó”, reforsa
tan.
Estudante
sira ne’e iha oportunidade hodi benefísia bolsu estudu ida enkuantu barak
seidauk hetan benefísiu ida ne’e. ”Imi ba la’ós sai turista maibé, estuda
nune’e fila fali mai bele ho títulu”, hameno nia. ”Luta ne’ebé tenke halo”.
Domingos
Freitas, bolseiru jestaun lojístika hatete, simu bolsa ida ne’e sei estuda no
kumpri regra universidade no kontratu ne’ebé halo ho governu. Nune’e mós
bainhira fila-fali sei serbisu, kontribui ba governu tuir área ne’ebé nia
estuda.
Atribuisaun
bolsa estudu ba timoroan sira ne’ebé halo husi ME bazea ba despasu ministeriál no.
001/2016, loron 8 juñu kona-ba regulamentasaun konkursu ba estudu iha
estranjeiru no despasu ministeriál no. 002/2D/M/ME/2016, loron 18 Jullu kona-ba
homologasaun lista benefisiáriu.
Prosesu
selesaun ba bolseiru sira ne’e halo hodi fó oportunidade ba timoroan ba
formasaun akadémika iha kursu enjeñaria, direitu, jestaun no kontabilidade,
agrikultura, turismu no edukasaun. (jornalista: Rafy Belo; editora: Rita
Almeida)
Foto: Ministru
Edukasaun, António da Conceição. Foto espesial
Sem comentários:
Enviar um comentário