Jornal Nacional, editorial
Ikus
– ikus nee media sosial, li-liu publikasaun iha Facebook domina ho informasaun
konaba, uma privadu Presidente Republika, Taur Matan Ruak nian nebe halo iha
foho leten area Metiaut, Posto administrativo Cristo Rei, Muncipio Dili.
Uma
privadu nee haree husi dook iha kalan hanesan vila no iha tempo loron senti
hanesan palasiu privadu tan nee publiku posting iha facebook konsidera
Presidente Republika, Taur Matan Ruak harii uma privadu, luxu hanesan palasiu
ho osan estadu nian.
Lahatene
intensaun saida los ho kritika nee? karik laran moras? Ou los duni katak
Presidente Republika uza osan estadu nian hodi halo uma privadu? Se los nee
krime, maibe la los nee difamasaun ida nebe tenki prosesa.
Ho
publikasaun sira nee obriga Primeira Dama loke ibun hodi responde ba
publikasaun sira nee tamba saida mak publiku kestiona, preokupasaun sira nee
zero verdade ‘ lalos’, uma privadu hanesan palasiu nee harii ho osan hikis
kosar ben, laos osan estadu nian.
“Deklarasaun
iha Tribunal Rekursu hanoin media iha asesu bele halo komparasaun
desde tinan 2012 mai to’o agora ne’e nia aumenta ka menus. Maibe tinan
tinan halo deklarasaun hau hatete ami nia osan la aumenta tanba ami halo uma no
tinan ida ne’e ami remata ami nia uma no ami iha uma rasik hanesan ema haree hanesan
palasiu. Sim Palasiu ida husi ami terus ho kosar ben rasik mak harii laos uza
Estadu nia osan ka ema seluk nia osan atu harii palasiu ba ami,” Isabel
Ferreira.
Los
duni senhora, atu moris diak, harii uma hanesan palasiu nee bele naran
katak tenki liu husi dalan nebe los no diak, labele harii uma luxu ho resultadu
bosok no osan resultadu husi korupsaun nian.
Agora
kritika uma privadu Presidente Republika nian hanesan palasiu privadu nee laos
publiku jeralmente maibe mos kritika mai husi eis Primeiru Ministru, atual
Presidente Zona Ekonomia Espesial Sosial Merkado (ZEESM) no Sekretario Jeral
Partido FRETILIN, Mari Alkatiri.
Kritika
Mari Alkatiri nian ba Presidente Republika Taur Matan Ruak nee, publiku laharee
ona kritika nee los ka lalos maibe publiku konsidera kritika nee ho odiu no
viganza.
Karik
lembra deklarasaun Presidente Republika Taur Matan Ruak iha Parlamentu Nasional
nebe kritika projetu ZEESM no konsidera projetu sira nee privileju
deit ba familia.
Maske
kritika sira nee iha verdade maibe antes nee Taur Matan Ruak kritika ona Mari
Alkatiri tan nee kritika sira nee konsidera ona hanesan kritika odiu no viganza
nian.
Nunee
mos politiku nain sira komesa koalia at ba malu, kritika malu tun sae, nee
tamba eleisaun komesa besik dadaun ona tan nee oinsa lider partido politiku ida
tu manan konfiansa publiku.
Ne’ebe
uma luxu ka palasiu privadu nee direitu Taur Matan Ruak nian naran katak uma
sira nee Presidente TMR halo ho osan resultadu korupsaun, nee mak labele.
Maibe
se palasiu privadu nee halo osan privadu, osan resultadu servisu makaas, hikis
kosarben mak halo, nee ema ida labele intervein, direitu ema ida idak nian,
naran katak halo uma luxu, uma hanesan palasiu nee ho osan resultudau
korupsaun, nee mak labele. *
Sem comentários:
Enviar um comentário