DILI,
(ANTIL) – Ministru Edukasaun, António da Conceição hateten, lian portugeza
la’ós de’it ona Portugal nian mesak maibé, mós nasaun Comunidade dos
Países da Língua Portugesatanba, ne’e nu’udar mós identidade ba Timor-Leste
(TL).
”Ita
halo parte iha CPLP tanba, ida ne’e duni ita mós aposta hodi haruka mós
estudante sira ba estuda iha ne’ebá (nasaun CPLP sira) para fila fali hodi
manten mós identidade ida ne’e”, afirma ministru Edukasaun iha Vila-Verde,
Kuarta (7/9).
Nia
reforsa, ita iha rejiaun Ázia maibé, timoroan mós bele ko’alia lian portugés.
Portugés ko’alia iha Eropa, Áfrika, Amerika Latina no iha Ázia mak Timor.
”Ida
ne’e maka diferénsia ne’ebé ita hakarak demonstra nu’udar parte husi ita nia
soberania”, ministru haklaken.
Tanba
ne’e, ME hala’o kna’ar tuir vizaun ministériu nian hodi projeta mós imajen TL
nian ba nasaun boot sira ne’ebé hale’u TL. Nune’e mós hala’o kna’ar hodi halo
konstrusaun ba sosiedade TL ba futuru.
Husu
ba estudante ka foinsa’e sai hodi sai arkitektu ka enjeñeiru ba konstrusaun ida
ne’e.
Língua
ofisiál konsagra iha konstituisaun Repúblika Demokrátika Timor-Leste (RDTL)
artigu 13okatak Tetun no Portugés nu’udar lian ofisiál. (jornalista: Rafy
Belo; editora: Rita Almeida)
Sem comentários:
Enviar um comentário