DILI
- Ministériu Saúde (MS) foin lalais ne’e halo identifikasaun ba
labarik ida hetan moras no nia sintomas atu hanesan ho moras virus ZIKA, maibé
seiduk bele hatete labarik ne’e kona virus ZIKA, tanba labarik ne’e seidauk
halo viajen ba rai liur.
“Iha
supeita ida, mas ne’e labarik ida ho sintomas hanesan virus ZIKA, tanba halo
teste ran iha laboratorium hetan ran negativu, no halo komfirmasaun ba
Oganizasaun Mundial Saúde (OMS) nian mos hanesan, mas sintomas ne’e atu
hanesan virus ZIKA, maibé ne’e lalos,” haktuir Ministra Saúde (MS) Maria
do Céu ba jornalista iha Palásiu Governu, Tersa (06/09).
Ministra
Saúde (MS) ne’e iha nia intrevista hatete, maske sintomas labarik
ne’e nian atu hanesan ho virus ZIKA, maibé haré ba nia paradeiru to’o ba
agora labarik ne’e seidauk halo viagen ba rai liur.
Entretantu
Ministériu Saúde (MS) halo koordenasaun ho Organizasaun Mundial
Saúde (OMS) iha Timor Leste hodi halo preparasaun protokolu atu oinsá
antisipa virus ZIKA ultrapasa mai Timor Leste.
Tuir
nia, virus ZIKA atu hada’et ba ema liu hosi susuk, tanba ne’e saida mak MS atu
halo fo sai avizu ba populasaun sira katak, limpeza importante tebes atu
ambiente sira mos hodi susuk bele hado’ok a’an hosi ema.
Portantu
komunidade sira tenke toba iha mudketeru laran, preokupasaun bo’ot liu mak ba
inan isin rua sira.
Tanba
nia husu ba inan isin rua sira labele halo viagen ba fatin sira ne’ebé mak
hetan afetadu, atu nune’e inan isin rua sira labele hetan moras.
“Ami
iha servisu koordenasaun ho liñas ministeriais, iha ekipa taks force, monta
ekipa iha Fronteira, portu no aeroportu hodi halo teste ba ema estranjeirus
sira halo viagen tama sai iha Timor Leste,” hatete Céu.(gus)
Timor
Post
Sem comentários:
Enviar um comentário