DILI: Maijor
Jeneral FALINTIL-Forsa Defeza Timor-Leste (F-FDTL) Lere Anan Timur, preokupa ho
kondisaun estrada ne'ebé liga Lautem ho Lospalos ne'ebé kompañia sobu ona,
maibé seidauk bele hadia.
Estrada
ne'ebé liga Lautem ho Lospalos molok ne'e ho kondisaun di'ak, maibé sobu atu
bele hadia fila fali hodi bainaka sira utuliza ba komemorasaun 28 Novembru
tinan ida ne'e.
"Atu
komemora loron 28 de Novembru iha Lospalos, prinsipalmente estrada tenke di'ak.
Tanba, estrada ida lorloron lori oras rua, agora lori oras sanolu mak foin
to'o," dehan Xefe Estadu F-FDTL, Maijor Jeneral Lere refere ba estrada
ligasaun Lautem-Lospalos ne'ebé kompañia sobu ona.
Tuir
Lere, estrada ne'e tenke di'ak tamba bainaka barak mak ba ne'eba hodi partisipa
iha komemorasaun ne'e.
Iha
fatin hanesan, Ministru Interior Longuinhos Monteiro hateten Ministeriu Defeza
no Seguransa hato'o ona ba Prezidente da Repúblika, kona-ba kestaun preparativu
ba seguransa no defeza iha loron komemorasaun 28 Novembru, ne'ebé sei hala'o
iha Lospalos.
"Prezidente
husu atu parte rua ne'e bele hamutuk, hodi apoiu mós ba seitor sira seluk. Par
halo com que iha komemorasaun atu buat hotu bele la'o ho di'ak, sem iha
problemas," Longinhos informa.
Tuir
dadus orsamentu ne'ebé atu gasta ba Komemorasaun 28 Novembru iha Munispiu
Lautem ho total $400.000. (*)
Pachar
Malay - Editór: Tellukoro – Ola Timor
Foto:
Kondisaun estrada ligasaun Lautem-Lospalos, sai preokupasaun ba Maijor Jeneral
F-FDTL, Jeneral Lere Anan Timur relasiona ho komemorasaun loron 28 de Novembru
iha Lospalos. (Olatimornews Foto/Aquino Campos)
Sem comentários:
Enviar um comentário