Kompania Internasional Halo Projetu Laiha Kualidade

DILI – Kompania Internasional neebe maka kaer obra ka projetu iha rai laran laiha kualidade, tanba sira laos ema nasionalista.

Prezidente Partidu PARENTIL Flavio Pereira Lopes hatete, Kompania Internasional neebe maka mai halo obra ka projetu iha rai laran laiha kualidade, tanba sira nee laos ema nasionallista, nunee iha oin selu taxa ba Estadu, husi kotuk husu fee ho prosentu boot.

Ita hare Kompania Internasional sira neebe maka mai kaer projetu  halo estrada iha rai laran, laiha kualidade, tanba sira nee laiha nasionalista, iha oin finzi selu tasa ba Estadu, maibe iha kotuk husu fee neebe ho porsentu neebe maka boot tebes,” dehan Flavio ba STL, iha nia servisu fatin, Pantai Kelapa Dili, Sesta (18/11/2016).

Nia hateten, halo estrada iha Dili laran laiha kualidade, depois Governu lahalo kontrola neebe maka seriu no sistematis, nunee sidade Nasional, rejional no Sub Rejional sabraut, tanba KKN nomos lahatene ukun.

Iha parte seluk Membru Parlamentu Nasional husi bankada CNRT, Cesar Valente hateten, los duni projetu neebe maka emprejariu sira implementa laiha kualidade, maka sei indika korupsaun, tanba nee husu ba Tribunal de kontas atu halo auditoria ba obra sira neebe maka laiha kualidade. Informasaun kompletu iha STL Jornal no STL Web, edisaun Sabado (19/11/2016). Carme Ximenes

Suara Timor Lorosae