DILI,
(ANTIL) – Organizasaun luzófona, Comunidade dos Países da
LínguaPortuguesa (CPLP) no organizasaun Nasaun Unida, Food and
Agriculture Organization (FAO) sei organiza eventu “Corrida Juntos
Contra a Fome!” ka “Halai Hamutuk Kontra Hamlaha!” edisaun datoluk.
Tuir
nota afirmativa ne’ebé ANTIL asesu, Kuarta, (16/11) CPLP-FAO organiza korrida
ida ne’e ho objetivu atu buka fundu atu kontribui ba finansiamentu projetu ba
kombate hamlaha no sensibiliza ba sosiedade ba prosesu kontrusaun komunidade
ne’ebé livre husi hamlaha.
Bazeia
ba ajenda, atividade “Corrida Juntos Contra a Fome!” sei hala’o iha Domingu,
(27/11) iha Baía de Cascais, tuku 10h00 dader inklui prekursu 10Km no la’o ain
5 Km nu’udar pontu partida no to’o iha Paseiu Dom Luís I, Cascais, Portugal.
Molok
atu realiza atividade ne’e, komisaun organizadora eventu apela ba interesante
sira bele halo inskrisaun liuhusi Portal Oficial
da Corrida “Juntos Contra a Fome!”. (jornalista: Rafy Belo)
Sem comentários:
Enviar um comentário