quinta-feira, 26 de janeiro de 2017

Xanana Gusmão defende eis-ministra timor-oan kondenada no krítika justisa

Líder timor-oan Xanana Gusmão iha ohin halo krítika maka’as ba sistema judisiál nasaun nian, iha karta aberta ba eis-ministra ida ne’ebé kondena iha Díli, hodi defende katak nia lasala no akuza ajente judisiál ho korrupsaun.

"Ha’u laaseita, hosi ha’u nia klamar ne’ebé sala-na’in, maka ohin inkrimina hosi buat ne’ebé laiha sentidu, no relasiona ba ó nia ema, no relasiona ho ó nia atividade no relasiona ba nia partisipasaun hodi hadi’a ema hotu nia moris, sai hosi orizonte fíziku ita nia nasaun", hakerek eis-primeiru ministru iha karta ne’ebé haruka ba eis-titular Finansa, Emília Pires, ne’ebé kondena prizaun tinan hitu tanba partisipa ekonómiku iha negósiu.

"No, ho ó, ha’u nia pensamentu moos sei hakoak  vítima seluk hosi injustisa Justisa ita nia nasaun, Madalena Hanjam", hakerek nia, refere kona-ba  eis-vise-ministra Saúde ne’ebé kondena ho prosesu  hanesan ho tinan haat prizaun.

Iha karta aberta ho pájina sia, entrega nia rasik ba Lusa, Xanana Gusmão fó krítika ba sistema judisiál timor-oan, no halo akuzasaun kona-ba alegadu kazu abuzu fundu públiku oioin, laaprezenta informasaun konkretu ne’ebé komprova ida ne’e.

Partikularmente akuza irregularidade finanseiru ne’ebé Prezidente Tribunal Rekursu - iha projetu tribunal - ka Prokuradór-Jerál Repúblika, tanba fatura hosi viajén ida ne’ebé reprezenta Estadu iha Brazil.

"Ha’u hatene katak ó hasoru hela momentu ida ne’ebé difísil tebes iha ó nia moris! Ó hatene di’ak katak ha’u lakomprende buat ida kona-ba lei, tanba bainhira  iha ai-laran lapermite mai ha’u , hanesan akontese ba respeitadu timor-oan sira seluk, hasai kursu direitu iha estranjeiru, no barak liu, iha Indonézia", hakerek iha karta ida nakonu  ho ironia no trosa, no hatutan tan katak "hirak ikus ne’e maka ohin loron prenxe  fatin di’ak sira  iha sistema judisiáriu".


"Ó hatene, Emília, ha’u admira ema ne’e! Sira lahatene portugéz no julga kona-ba lei ne’ebé hakerek ho  portugés no asina akórdaun ne’ebé sira-rasik lakomprende", nia hakerek.

Xanana Gusmão asina karta ne’e no aumenta epítetu " Soeharto Timor nian", ho referénsia ba eis-ditadór indonéziu ne’ebé kompara  hosi atuál xefe Estadu, Taur Matan Ruak, iha polémiku diskursu ne’ebé  hato’o  iha  Parlamentu Nasionál.

"Ida hosi imi nia akuzadór parese hili ona atu buka dadus kona-ba ha’u. No  enjeitadu ne’e halo sira ogullu  ba sira nia feitiseiru iha justisa. Ohin loron, sira hotu senti hanesan ne’e: poderozu, sai ezemplu sóbriu no retu, iha persesaun ida  fantasmagóriku  ne’ebé senti  Estadu iha sira nia liman! No  nein sente no lakompreende saida maka Estadu", nia  afirma.

Konsidera katak  Emília Pires iha "papel prisipál  ba prosesu konstrusaun Estadu ", Xanana Gusmão hatete katak entre ema hirak ne’ebé  agora akuza iha  tribunal  inklui " balun ne’ebé ladefende independénsia nasaun nian".

Iha karta, Xanana Gusmão rekorda momentu balun hosi relasaun  profisionál entre sira,  hahú iha 1999 bainhira líder timoroan  ne’e sei detein hela uma-prizaun Salemba  iha  Jakarta no konvida Emília Pires atu hahú prepara futuru nasaun nian.

Rekorda " kondisaun tristeza ne’ebé  Ministériu Planu no Finansas sei hasoru" bainhira  Emília Pires assume responsabilidade  atu lidera, hosi difikuldade ne’ebé nia enfrenta no  "obstákulu ne’ebé hasoru ho tauk  ba partidária ne’ebé iha tempu ne’ebá , domina administrasaun  públika".

Saúda nia tanba introduz " sistema finanseiru ida modernu" no transforma " instituisaun ida, fraku no dezorganizadu tempu ne’ebá" ba estrutura ida " ho produtividade inegável ida, (...) efisiénsia ne’ebé komprova hosi o ninia  ajente sira" no merese konfiansa hosi  komunidade internasionál.

Rekorda "peripésia" governasaun, iha laran no liur Timor-Leste nian no kongratula nia ba diversifikasaun investimentu iha Fundu Petrolíferu ne’ebé fó ba nasaun " lukru ida liu dólar millaun rihun rua "  no ba kriasaun Portal Transparénsia, no sira seluk tan.

"Nia hatudu, durante tempu narunk servi ita nia Estadu, hanesan  ministra, vontade ida ne’ebé maka laiha comparasaun  hadi’a nafatin ", hakerek nia.

" Estado República Democrática de Timor-Leste (RDTL) deve barak ba o, fato ida ne’ebé  fizikamente fraku maibé ho onestidade ne’ebé maka’as. O Presta omenajen ne’e, ho umildade no admirasaun. Ita boot iiha atensaun tebes, material barak ne’ebé ralasiona ba aktu posível maka estraga  Estadu. Ita boot moos preokupa tebes ho  falta medida korresaun, hamutuk ho  instituisaun ne’ebé  laiha ka hatudu  laiha vontade atu adota norma ne’ebé estabelese iha  jestaun finanseiru osan  públiku nian", nia konsidera.

Iha kazu konkretu ne’ebé  kondenada ba nia, Xanana Gusmão rejeita katak  Emília Pires hetan benefísiu ekonómiku ho negósiu kona-ba sosa kama ospitalar nian, nia afirma katak laiha komisaun ruma ne’ebé negósiu ho  empreza kaben hosi eis-ministru maka  sosa no faan, sein intermediáriu hanesan "kostume" iha Timor-Leste.

"Tanba ne’e ha’u laaseita katak  nia komete krime partisipasaun  ekonómiku ho negósiu ne’ebé  estraga  Estadu. Kama hirak ne’e  atu  uza no Prezidente Tribunál Rekursu rasik benefisiadu ba  uza tipu kama ortopédika ne’e,  bainhira  hetan 'stroke' (enfarte) no halo  tratamentu iha ospitál", hakerek  Xanana Gusmão.

SAPO TL ho Lusa

Sem comentários: