PN Lahatudu Estadista Alterasaun LPV

DILI - Parlamentu Nasional (PN) halo ona aprovasaun final ba alterasaun lei pensaun vitalisia. Iha aprovasaun lei nee konsege hamenus pensaun ho direitus regalias ba eis titulares sira.

Direitus regalias ba eis titulares sira neebe maka hatun hanesan eis titular Prezidente Parlamentu Nasional tun ba 90%, deputadus kuandu kompleta mandatu tinan 15 bele mos hetan 90%, maibe Prezidente Republika mantein 100%.

Ba kestaun nee Portavoz Movimentu Universitariu Timor Leste (MUTL), Faustino Soares hatete, haree husi mudansa jeral ba revizaun lei pensaun vitalisia nee hatudu seidauk fundamental.

Ami konsidera katak ida nee seidauk revizaun fundamental nee nafatin hatudu katak membru Parlamentu neebe mak reprezenta povu iha neeba sira seidauk hatudu sira nia estadista lolos,” dehan Faustino ba jornalista iha kampus sental-UNTL, Caicoli-Dili, Kurta (25/01/2017).

Faustino konsidera mudansa lei pensaun vitalisia neebe mak PN halo nee hanesan politika hipokratika ida, neebe mak kari rai rahun ba povu nia matan. Nia husu ba Prezidente Republika (PR) diak liu veta lei pensaun vitalisia nee. Nunee PN hatudu sira nia vontade diak nudar ema neebe hadomi povu no rai ida nee.

Iha fatin ketak, Deputadu bankada CNRT, Agostinho Lay dehan PN halo ona alterasaun lei pensaun vitalisia, pensaun ba Prezidente 100% tanba hakarak atu fo respeitu no valor ba nia. Informasaun kompletu iha STL Jornal no STL Web, edisaun Kinta (26/1/2017). Raimundo S. Fraga

Suara Timor Lorosae