FFTL Tenki Garantia Kongresu

DILI – Hafoin hetan sansaun Publiku hadomi futebol husu atu Federasaun Footbal Timor Leste (FFTL) atu realiza kongresu extra-ordinariu neebe deklara liu husi Sekretariu Geral FFTL, tamba tempu ona atu Federasaun nakloke aan, nunee bele dezenvolve futebol iha Timor–Leste.

Antes nee liu husi Sekretariu Geral Federasaun Futebol Timor – Leste Amandio Sarmento ba jornalista sira hafoin remata sorumutu ho Sekretariu Estadu Juventude e Desportu deklara sei realiza kongresu iha Abril, hafoin AFC remata nia kongresu iha Fevereiru nee.

Relasiona ho deklarasaun nee, Sekretariu Estadu Juventude e Desportu (SEJD) Leovigildo Hornai ba jornalista sira hafoin remata fo tomada de pose ba Liga Nasional Basketbal Timor –Leste, neebe realiza iha edifisiu SEJD Eis – Sional Lecidere Dili, Kuarta (25/01/2017) katak, Guvernu liu husi SEJD hatoo ona proposta ba FFTL, katak FFTL tenki halo kongresu iha nivel Municipal nunee bele fo rezistimasaun ka legalidade realsiona ho ezistensia klubu no Asosiasaun.

Tenki grantia..tenki garantia, nee laos problema individu ka pesoal ema ida rua, maibe nee problema Nasional nian, tamba futebol nee sai ona hanesan aktividade popular ka komum iha territorial tomak,” dehan Leovigildo.

Nia dehan, parte Governu liu husi SEJD husu ona data no fulan ba realizasaun kongresu hafoin iha sorumutu entre Federasaun. Eis Prezidenti CNJTL nee mos agradese ba ema hotu neebe mak simu malu no resolve problema ho ulun malirin relasiona ho sansaun AFC ba federasaun.

Iha fatin hanesan Prezidenti Klubu futebol Utramar Ano Gusmao dehan relasiona ho planu Federasaun atu halo kongresu, Sekretariu Estadu tenki kira team Adhoc hodi realiza kongresu nee. Informasaun kompletu iha STL Jornal no STL Web, edisaun Kinta (26/1/2017). Natalino Belo

Suara Timor Lorosae