Estranjeiru Bandidu Envade Timor Leste

DILI - Publik preokupa ho prezensa, ema estranjeiru bandidu sira neebe maka oras nee envade aktividade ekonomika Timor Leste.

Realidade hatudu katak, ema estranjeiru bandidu sira hanesan Xineza, Indonezia, Nepal, Filipina no seluk tan loke ona aktividade negosiu kiik iha Munisipiu 13. Ema hirak nee balu mai kahur mas, hada blok, faan bakso, loke loja faan $ 1.00 shoop, loke alfayati, sona trambulan no faan sasan iha motor tama sai aldeia no bairu laran.

Membru PN husi bankada FRETILIN Antonio dos Santos 55 hateten, oras nee trabaladores estranjeiru bandidu sira hanesan Xineza, Indoneisa no seluk seluk tan maka okupa husi sidade ba to iha area remotas hirak nee hotu kedan, hodi halao aktividade servisu hanesan faan sasan, hada fatuk, hada blok, kahur masa no seluk tan.

Lahatene nee tanba saida maka akontese, serake SEPFOPE maka seidauk prepara ita nia ema sira ka ou, ita nia ema emprezariu bobot sira nee maka lori ema hirak nee mai hodi halao servisu hirak nee ,” dehan deputadu Antonio ba STL, iha PN, Dili, Tersa (07/02/2017).

Nia dehan, ema hira nee tama mai rai laran dala ruma mai ho vistu turista, maibe derepente servisu tiha ona, nee maka presiza hare didiak, tanba deskonfia iha ema balu maka proteze ema hirak nee.

Iha fatin hanesan Deputadu  Paulino Monteiro Bankada PD hatete, ema estranjeriu domina halo atividade negosiu,  loke loja one dolar hanoin governu tenke kontrola lisensia negosiu, tanba ema hetan licensia negosiu husi governu ka lae, tanba tuir lei ema estranjeriu mai halo investimentu laos halo negosiu. Carme Ximenes

Suara Timor Lorosae