Artista
Maria Vitoria, ho naran koñesidu Marvi, kontinua fali nia
estudu iha ensinu sekundária São Pedro Comoro no hetan tratamentu
hanesan mos ho estudante sira seluk.
Marvi
hateten nudar estudante nia kontinua lao tuir regulamentu sira ne’ebé estabelese iha
eskola são pedro no hatudu nafatin nia an nudar estudante babain.
“Maske
hau sai ona artista famozu maibe hau lakohi hatudu hau nia an nudár ema famozu
hau nafatin hatudu hau nia simplesidade hanesan Maria ida uluk hau lakohi simu
tratamentu espesial” Tenik Marvi ba Jornalista Radio Liberdade iha eskola
São Pedro Comoro Tersa Feira, 07/2/17.
Artista
Marvi mos Konfesa katak nia tau liu preoridade ba nia estudu hafoin
mak ba iha nia kareira.
“Kareira bele
lori ita susesu maibe hau tau importansia ba edukasaun se karik iha
tempu eskola ema bolu hau ba kanta hau kansela tiha no
hau tenki tau estudu mak Preoridade” tenik Marvi.
Iha
fatin hanesan Diretor eskola São Pedro, Padre Aderito da Costa, SDB, afirma,
Marvi hanesan estudante nia hetan tratamentu hanesan mos ho estudante sira
seluk.
“Marvi
nia rasik deside mai kontinua nafatin nia estudu iha ne’e ho nun’e ami lahalo
tratamentu espesial ba nia maibe ami trata nia hanesan mos ho estudante sira
seluk nudar estudante nia mos tenki kumpri regulamentu sira iha eskola” tenik
Padre Aderito.
Marvi, oras
ne’e dadaun tur iha banku eskola sekundária São Pedro iha segundu Ano.
Kantora
Marvi, iha fulan hirak liu ba hamutuk ho nia maluk artista nain lima
reprezenta Timor hodi tuir kompetisaun Dangdut Akadémia Asia iha Jakarta
Indonesia no konsege okupa pozisaun daha’at entre
kontestante nain 36 ne’ebe mai husi nasaun Indonesia, Malasia, Singupura,
Thailand, Brunei Darusalam, inklui Timor-Leste.
Rádio
Liberdade Dili
Sem comentários:
Enviar um comentário