quarta-feira, 8 de fevereiro de 2017

Deskonfia Kazu Emilia, PN Hasai Rezolusaun Duni Juiz Portugues

PARTILHAR
DILI – Iha tinan kotuk liu ba, Parlamentu Nasional (PN) hasai rezolusaun hodi duni juiz Portugues sira sai husi Timor durante 24 oras, tanba deskonfia Juiz sira nee hatene kazu korupsaun neebe maka arguida Emilia Pires ho nia aleadu sira iha membru Governu komete.

Tanba deskonfia Juis sira nee hatene Emilia Pires ho nia aleadu sira komete iha korupsaun, Governu neebe Xefia husi PM Xanana Gusmao iha momentu neeba, haruka Parlamentu Nasional hasai resolusaun hodi duni Juiz Portugues hirak nee husi Tribunal.

Iha Biban ida nee deputadu sira lais tebes, hasai resolusaun hodi duni sai Juiz hirak nee sai husi Timor durante 24 oras. Alende hasai rezolusaun hodi duni Juiz sira, Parlamentu Nasional mos hasai resolusaun hodi kaer Mauk Morok, no ikus mai mai Mauk mate iha bala musan.

Maibe iha kazu Emilia Pires, ukun nain no Parlamentu Nasional, nunka iha hanoin atu hasai resolusaun ruma ba kaer Emilia Pires iha Portugal. Nunee halo arguida nee ikun naruk, hodi husu atu transfere nia kazu ba julga iha neeba, tanba tuir arguida nee katak, Tribunal iha Timor laiha kapasidade julga nia kazu.

Tuir Diretor ONG Gertak Faustinho Magno katak, Parlamentu Nasional lais tebes hasai resolusaun hodi duni Juiz Internasional Portugues iha rai laran no Mauk Moruk. Maibe kazu arguida Emilia Pires nian deputadu sira iha PN ho Governu lafoti medidas ruma hodi lori fila Emilia mai Timor Leste para responsabiliza aktu neebe mak nia komete.

Ita nia deputadu sira lais tebes hasai resolusaun hodi duni sai juiz Portugues sira no Mauk Moruk, maibe Emilia Pires komete korupsaun halai sai ba liur, to agora Governu no PN nein iha hanoin atu lori fila fali Emilia mai Timor hodi responsabiliza ba aktu neebe maka nia komete,” dehan Faustinho, bainhira dada lia ho STL, iha UNTL, Dili, Kuarta (08/02/2017).


Nia dehan, se bainhira PN ho Governu lafoti medidas ruma para lori Emilia Pires fila mai Timor, maka publik sei kestiona kapasidade Governu no Parlamentu Nasional nian ba kazu ida nee. Tanba kuaze loron loron ema hotu kolia kazu Emilia Pires nian, neebe maka seidauk rejolbe to ohin loron.

Iha parte seluk membru PN husi bankada Fretilin Paulo Monis Maia hateten, Iha tinan rua kotuk ba laos Parlamentu deit orgaun sobernu hamutuk iha pais ida nee hasai resolusaun para atu suspende ka fo fila fali ba Juiz Internasional liu liu Portugal atu fila fali ba sira nia rai. Carme Ximenes

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: