segunda-feira, 6 de fevereiro de 2017

EUA "preokupa" ho asaun Rússia maibé laesklarese karik mantéin sansaun

PARTILHAR
Vise-prezidente EUA, Mike Pence, iha horisehik senti "preokupadu" ho papel Rússia nian kona-ba eskala violénsia  iha leste Ukránia, maibé larejeita levantamentu sansaun ba  Moskovu hosi Casa Branca.

"Ami observa hela [Rúsia]. No ami preokupadu liu ba ostilidade maka’as durante semana hirak ikus ne’e iha leste Ukránia nian", assegura Pence lihosi  entrevista ba kadeia televiziva ABC News.

Kestiona kona-ba karik  Estadus Unidus mantein sansaun ba Rússia to’o sesárfogu respeita  iha Ukránia, Pence refere " hanesan  pergunta ida ne’ebé  sei hatene ninia resposta iha fulan hirak tuir mai".

Vise-prezidente ne’e  hatutan katak desizaun "depende ba ezisténsia alterasaun iha komportamentu Rússia  no oportunidade, karik serbisu  ho interesse komun", bainhira  prioridade  hosi Prezidente Estadus Unidus, Donald Trump, "buka no harahun (grupu estremista) Estadu Izlámiku [EI] hosi ninia fatin orijen".

Trump afirma ona  hakarak atu koopera ho Rússia iha  luta kontra o EI  no iha janeiru sujere atu koloka iha termu sansaun kontra Moskovu ho injerénsia iha Ukránia, ho troka ba korta hosi arsenál nuklear nasaun rua nian.

Ambigidade  ne’e halo Fransa no Alemaña, ne’ebé hamonu sansaun ba Rússia iha kuadru Uniaun Europeia [UE] afirma katak  levantamentu medida ne’e sei hala’o bainhira rejista progressu russu iha  kumprimentu ba akordu Minsk kona-ba  konflitu iha  leste Ukránia nian.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: