segunda-feira, 6 de fevereiro de 2017

JOSÉ LUIS LORI PROPONENTES 7.777 BA REJISTU IHA TR

PARTILHAR
Prezidenti Partidu Frenti-Mudança (FM), José Luis Guterres Domingo (5/02), lori nia proponentes hamutuk 7777 hodi ba rejistu iha Tribunal Rekursu (TR) ba kandidatura Presidente da República periodu 2017 to’o 2022.


José Luis ne’ebe hatais kamiza mutin ho kalsa metan,  haleu hena iha ulun, tun husi kareta akompaña ho nia apoiantes feto ho mane ne’ebe hatais roupa tradisional, tama ba sala seksaun registu hodi rejista ninia kandidatura ba Presidente da República ho independentimente iha Tribunal Rekursu.

Ninia apoiantes ne’ebe akompaña nia ba Tribunal Rekursu hatais roupa mutin hotu, sentidu roupa mutin ne’e katak, sira mai ho laran no hanoin mos, domin no dame, prontu servi povu Timor Leste.

Hafoin registu José Luis hatete, ninia kandidatura ba prezidenti ne’e desizaun interna, basa kna’ar prezidenti ne’e tau matan ba ema hotu, tantu sira ne’ebe iha partidu no sira ne’ebe laiha partidu. Se povu fo fiar, nia sei ukun ho fuan no laran tomak povu doben TL.

“Ami fo agradese ba apoiantes joven, katuas, ferik , feton no na’an hamutuk 7 777 ne’ebe propoin atu mai iha ne’e, ami hein deit loron rua ka tolu Tribunal Rekursu sei fo resposta aseita ka la aseita ba kandidatura ne’e, maibe ami nia komitmentu ho laran no fuan tomak katak kandidatura ne’e indenpendete ami simu apoiu tomak ema ne’ebe iha partidu no la iha partidu”, dehan José Luis ba jornalista sira iha TR Caicoli, Domingo (5/02).

Nia haktuir, ninia kandidatura ba presidenti ne’e nudar kontribuisaun hodi servi rai doben Timor Leste, liu husi politika ida ne’ebe alternativa atu povu moris diak, hahi tradisaun no kultura nudar indentidade nasaun.

“Kultura ne’e dura tebes hodi nasaun sai forte la haluha mos ita iha negosiosaun tasi Timor ne’ebe ami mos hakarak fo kontribuisaun para negosiasaun ne’ebe ita nia maun bo’ot Xanana Gusmão halo sei bele hetan sussesu ne’ebe diak para bele fo benifisia povu tomak no ohin loron mos ita iha situasaun ne’ebe laos fasil ne’ebe ami hakarak fo ami nia kontribusaun para nivel internasional Timor Leste bele projeta nia naran bele morin hodi ema tomak iha mundu hatene iha Timor rai ne’ebe demokrasia rai ne’ebe  dezenvolvimentu ba povu tomak  ida ne’e mak  ami hakarak fo kontribuisaun”, koalia José Luis.

Bainhira husu kona ba kandidatura Francisco Guterres Lu’Olo ne’ebe mak hetan apoiu husi veteranus, inkluindu Xanana Gusmão,  José Luis dehan nia mos hanesan veteranus ida, sai mos membru fundador FRETILIN no durante tinan 30 sai  membru Comite Central, maibe tanba nia obrigasaun uluk frenti diplomata entaun nia mak ne’e hela prontu hakarak fo kontribuisaun se povu hili, maibe karik povu la hili nia mos nia sei nafatin prontu atu fo kontribuisaun.

“Ami hakarak povu Timor Leste tenki tetu didiak ba kandidatura sira, saida mak sira hakarak ba futuru, ami mos iha veteranus balun ne’ebe fo apoiu  i iha tempu badak ami sei anunsia kompozisaun komisaun nasional”, tenik José.

Nia espera kampaña presidensial mai bele lao ho diak, domin ho dame i ida ne’e mak nia mos deseja ba kandidatura sira seluk hotu ne’ebe mak mai ona regsitu iha TR. nia

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: