segunda-feira, 6 de fevereiro de 2017

Akademika Konsidera PR Taur Iha Politika “Dilema” Foti Desizaun Ba LPV

PARTILHAR
DILI - Sosiedade akademika konsidera Prezidente Republika (PR), Taur Matan Ruak oras nee iha hela situasaun politika “dilema” nia laran, hodi foti desizaun ikus ba Lei Pensaun Vitalisia (LPV).

Maske Prezidente Republika (PR), Taur Matan Ruak, halo ona asinatura hodi haruka LPV neebe parlamentu aprova, ba ona tribunal rekursu hodi haree tuir konstitusionalidade.

Ba hau Prezidente Republika, Taur Matan Ruak oras nee iha hela situasaun politika “dilema” nia laran,” dehan Observador Politika-UNDIL, Francisco Mausoro ba STL iha nia knar fatin kampus-UNDIL, Mascarinhas-Dili, Segunda (06/02/2017).

Observador Politika nee haktuir, tanba komprimisu PR Taur nian katak hases tiha LPV ka hakarak hamos LPV, ida nee justu tebes, tanba povu barak moris iha area rural sei moris kiak. Observador Politika salenta, kompetensia PR nee limitadu, se PR veta ba parlamentu votus konfirmasaun, PR hakarak ka lakohi tenke promulga, se nia lapromulga mak nia tenke rejigna-an husi kargu PR.

Iha sorin seluk, Deputadu Bankada PD, Virgilio Hornai dehan, LPV oras nee iha PR nia liman, nia promulga ka lapromulga nee kompetensia propriu PR hodi uza instrument politiku veta ka promulga. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: