sábado, 11 de fevereiro de 2017

PROFESSORES IDADE 60 TENKI HATO’O REKEREMENTU REFORMA

PARTILHAR
Prezidente Komisaun Funsaun Publiku (KFP), Faustino Cardoso hatete, professores ne’ebe kompleta ona idade 60 atu hato’o rekerementu reforma nian.

“Dala balu mos tamba rezime tranzitorio ne’e, ejije husi ema ida idak ne’ebe maka tama ona idade 60 ne’e atu hato’o rekerementu ba reforma, tanba seidauk obrigatoria, entaun hanesan mos iha Ministeriu Edukasaun (ME) nian ba professores sira balun mesmu kompleta idade 60 ona, sira seidauk prontu hatama nia rekerememntu reforma ninian, tanba rejime ida transitoria ne’e lao’s obrigatoria,”Faustino Cardoso, ba Jornalista sira hafoin partisipa iha seminariu sobre o papel o Cidadaun no Dezenvolvimentu do Bem Estar, ne’ebe maka hala’o iha Centru Convensaun Dili (CCD) Kinta (09/02/17).

Nia hatete, lei reforma ne’e hetan ona aprovasaun no iha ona dekretu lei hodi implementa kona-ba buat ida siguransa social inklui iha reforma ne’ebe dehan katak, tinan 60 tenki tama ona idade reforma.

“Ita nia lei kona ba reforma ne’e hetan ona aprovasaun, iha ona mos dikretu lei atu hodi implementa kona ba buat ida siguransa social inklui iha ne’eba, reforma ne’ebe dehan katak, idade 60 tenki tama ona idade reforma,”esplika Faustino Cardoso.

Nia esplika, kona ba Ministeriu Edukasaun (ME) ne’e,  sira nia profesores sira ne’ebe maka haree husi materia hanorin ne’e, husi ida ba ida la hanesan.

“Kona-ba ME nian ne’e,  sira nia professores sira ne’e, professores sira ne’ebe maka haree husi materia hanorin ne’e husi ida ba ida la hanesan, kabe ba ME atu defini politika konaba planeamentu ba professores, wainhira professores ida ne’ebe maka tama ona iha idade 60 atu  reforma, labele husik hela mamuk, tan deit laiha preparasaun ema adekuadu ho kapasidade hanorin,”haklean nia.

Faustino Cardoso akresenta liu tan katak, KFP kuandu lei ne’e la’o ona, tinan rua antes tama ba idade 60 ne’e, komisaun mos fo ona hanoin atu prepara ona ba reforma.

“Tanba buat ne’e seidauk ubrigatoriu ne’ebe ita hein lai dekretu kona-ba implementasaun lei ida ne’e, publika sai ona depois iha ona mos buat ida instituisaun nasional siguransa social nian ne’e, ne’ebe  sei hari’i tutela husi Ministeriu Solidaridade e Social (MSS).

Nia haktuir, husi parte barak, inklui mos husi ME, dalabarak sira haruka karta ba iha komunisaun Funsaun Publiku atu oinsa bele ekstende lai ema sira ne’ebe maka idade n tama ona 60.

“Tanba ne’e maka to’o ohin loron ne’e, sei la’o hela rezime tranzitoria ne’e, ne’ebe seidauk iha obrigatoriodade,ba aplikasaun reforma ne’e, maibe  kuandu lei ne’e  lao lolos ona, ema ne’ebe idade 60, gosta ka la gosta ne’e tenki tama ona reforma,”dehan Faustino Cardoso. eni

Jornal Nacional Diário
PARTILHAR

Author: verified_user

Publicação luso-timorense sem fins lucrativos

0 comentários: