quinta-feira, 6 de abril de 2017

Imitasaun Estraga Folin Produtu TL

PARTILHAR
DILI – Relasiona ho Imitasaun ka Kopia Produtu Tais Timor husi maluk Negosiantes Estranjeru hanesan Xineza, ida nee estraga folin produtu orijinal Timor Leste (TL) nian iha merkadu Turizmu.

Preokupasaun nee hatoo husi Diretora Fundasaun Alola, Alzira Reis ba STL iha nia servisu fatin Sabadu (1/4/2017) husu ba governu tenke kontrola Xina sira neebe uza produtu imprimu Timor nian, sem kuinesementu husi grupu produtor rasik, tanba Xina kopia ona Timor nian produtu hodi halo pasta no suku mos roupa, tan deit atu hetan lukru.

Ami identifika ona produtu Timor nian balun neebe Xina halo imitasaun ka kopia produtu tais Timor nian hodi halo pasta no suku mos roupa, realidade produtu neebe Xina halo imitasaun, barak liu maka Tais Oecusse no Lospalos nian neebe sira uza hanesan hena hodi suku Roupa pasta, governu tenke haree problema ida nee,”informa Alzira.

Tuir lei Timor nian katak, Xina labele halo imitasaun ba produtu saida deit no aat liu maka Xina kopia Timor nia produtu nunka iha kuinesimentu husi grupo produtor sira, tanba nee, fundasaun Alola servisu hamotuk ho fundasaun relevante, nafatin halo esforsu hodi koalia ho governu oinsa bele regula Xinezas sira.

Nia mos informa liu tan katak, Fundasaun Alola preokupa, ema estranjeiru sira mai halo atividade iha rai laran, governu tenke toma medidas, nunee aban bain rua labele akontese tan, karik governu la kontrola maka sei fo pasu ba ema atu halo kopia hotu produtu rai laran hodi hetan lukru boot, Fundasaun Alola hanesan Organizasaun ida neebe tau matan ba atividade komersiu iha rai laran, sei luta nafatin atu nunee problema sira hanesan nee labele mosu tan iha futuru mai, governu presiza regula didiak.

Iha fatin hanesan Country reprezentante Asia Fundation TL, Susan Marx hatutan, Xina atu labele halo kopia Timor nia produtu rai laran maka, grupu produtor sira tenke diversifika kualidade produtu ho diak atu nunee, bele kompete ho produtu sira neebe maka modernu.

Ita haree tais Imprimu hahu eziste iha TL, tanba nee tenke mantein orjinalidade husi produtu hirak nee rasik, fundasaun ASEAN servisu hamotuk ho Fundasaun Alola, sei luta kontra ema sira neebe maka halo kopia ba tais Timor, tanba deit atu hetan lukru,”informa nia.

Hatan ba Preokupasaun nee Vice Ministru Komersiu Industria e Ambiente (MCIA), Nino Pereira hatutan katak, governu halo hela esforsu atu haree preokupasaun sira nee.

“Ita tenke haree didiak ema nia produtu balun mos kuaze, atu hanesan ho tais Timor nian, maibe governu nafatin halo kontrola iha baze atu labele akontese tan problema sira hanesan nee iha futuru mai,”tenik nia. Madalena Horta

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: