quinta-feira, 20 de abril de 2017

Timor-Leste kria ajénsia inspensaun hahán nian iha supermerkadu no restaurante sira

Ajénsia governamental foun ida hahú iha semana ne'e, iha Timor-Leste, halo inspesaun ba kondisaun sira hahán nian iha supermerkadu sira, restaurante sira no merkadu lokal sira, afirma hosi responsável estrutura nian iha loron-kuarta ne'e.

Autoridade hosi Inspesaun no Fiskalizasaun ba Atividade Ekonómiku sira, Sanitáriu sira no Hahán nian (AIFAESA), harii hosi elementu sira hosi ministériu oioin, sei hahú inspesaun rotina sira no monitorizasaun hosi kondisaun hahán sira nian ne'ebé fa'an iha nasaun.

Abilio Oliveira, responsável hosi AIFAESA, explika ona ba jornalista sira katak entidade foun halibur responsabilidade sira ne'ebé uluk fahe liuhosi ministériu oioin nune'e agora bele hetan liután efikásiu maka'as.

"Antes, responsabilidade hosi serbisu ne'e kaer hosi Ministériu haat maibé agora ami iha instituisaun úniku hodi evita konfuzaun ba konsumidor sira no vendedor sira", nia afirma.

Ekipa sira hosi AIFAESA integra elementu sira hosi Ministériu Saúde, Agrikultura no Peska, Komérsiu, Indústria no Ambiente no Turizmu, Arte ho Kultura.

Análize sira hosi hahán ne'ebé investigadu sei halo iha Timor-Leste no mós iha estranjeiru no rezultadu sira sei fó sai ba públiku.

Hahú tinan 2009 maka Timor-Leste iha lei ida hodi haree ba kestaun sira ne'e maibé tanba falta kordenasaun halo aplikasaun sai susar, hatutan hosi Oliveira.

Lei ne'e kalkula multa to'o dolar rihun 10 (besik euro rihun sira) ba sé maka fa'an produtu hahán sira ne'ebé estragadu no dolar rihun 15 ba sé maka fa'an produtu sira ne'ebé liu ona nia loron validade.

Produtu sira iha kondisaun sira hanesan ne'e sei estraga no, iha kazu balun, sei analiza ho di'ak iha laboratóriu.

SAPO TL ho Lusa | Foto@ António Casais

Sem comentários: