sexta-feira, 26 de maio de 2017

Estudante Ameasadu Iha Cabo-Verde, ME Halao Enkontru Urzente ho Inan-Aman

PARTILHAR
DILI – Relasiona ho estudante sira neebe mak estudu iha Cabo-Verde, oras nee sira ameasadu tebes ba seguransa, tanba nee, Ministeriu Edukasaun (ME), halao enkontru urjenti ho inan aman estudasnte.

Enkontru entre ME ho inan aman estudante bolseiru neebe mak estudu iha Cabo-Verde nee halao iha salaun INFORDEPE Balide Dili. Hafoin enkontru, liu husi intervista, Ministru Edukasaun, Antonio da Conceição hatete, ME halo enkontru ho inan aman estudante bolseiru sira, oinsa mak atu bele fo klarifikasaun ou informasaun.

Ohin hau hasoru malu ho sira nian inan aman, para atu bele fo esplikasaun ruma sira, no medidas saida mak atu hola, maibe agora dadaun nee hau fo ona orientasaun ba Direitor Jeral   ME atu desloka ba iha cabo-verde, atu ba hasoru primeiru nee universidade, segundu  hasoru autoridade neebe mak responsabilidade seguransa ninia ba iha nee ba, atu nunee bele aprejenta  preokupasaun governu nian konaba seguransa Timor oan sira nian  neebe mak agora  dadaun hela iha Cabo-Verde,” dehan ME Antonio ba jornalista iha edifisiu INFORDEPE Balide  Dili, Sesta (26/05/2017).

Antonio sublina, ME sei haruka tan karta ida ba Ministeriu Negosiu Estranjeirus, para atu bele aprejenta TL nia preokupasaun konaba estudante sira iha Cabo-Verde, oinsa mak governu no estadu Cabo-Verde bele tau matan ba labarik sira.

Iha fatin hanesan, Marcelo Jose, hanesan reprejentante inan aman estudante, hatete nia alin mak estudante ho naran Acacio de Jesus, bazeia ba akontesementu neebe mak akontese iha Cabo-Verde, iha grupu bandidu sira neebe mak barak tebes halo asaltu iha estudante nia fatin. Jacinta Sequeira/Terezinha de Deus

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: