Governu TL Asina Mou Ho Governu Australia Iha Aeria

DILI – Governu Timor Leste liu husi Ministeriu Negosiu Estranjeiru i Kooperasaun (MNEK), asina Memorandum Of Understanding (Mou) ho Governu Australia iha area aeria nian.

Tuir Ministro Negosiu Estranjeiru i Kooperasaun (MNEK), Hernani Coelho hatete, akordu area aeria nian, ida nee impoartante tebes ba nasaun rua hanesan Timor Leste no mos Australia.

Ida nee dokumentu ida importante ba rai rua nee tanba nia fo dalan kompania aeria sira atu bele hadia, hamosu no haburas liu tan,” dehan Hernani ba jornalista sira hafoin remata asina Mou iha salaun VIP MNEC, Pantai Kelpa-Dili, Sesta (26/05/2017).

Hernani haktuir, meius transporte entre rai rua nee atu bele habadak distansia entre rai rua nee, maibe konaba presu nian, sei bele hatun ho presu neebe razuavel ba sira iha kapasidade atu bele sosa bilithe.

Hernani tenik tan, akordu ida nee konaba regulamentasaun entre kompania Australi no mos Timor Leste. Autoridade neebe responsavel ba navegasaun area nian sei asina Mou, nee mak sei determina, frekuensia Vou.

Iha fatin hanesan, Embaixador Australia mai Timor Leste, Peter Doyle dehan, hanesan embaixador sente kontente tebtebes tanba bele asina akordu ho Timor Leste iha area Aeria nian. Raimundo S. Fraga

Suara Timor Lorosae