segunda-feira, 3 de julho de 2017

Adriano Rezeita Buatus Sai Husi Fretilin

PARTILHAR
HATOUDO - Koordendor Partidu Fretilin Munisipiu Manufahi, Adriano Cortereal reseita buatus katak, nia sai husi husi Partidu Fretilin ba fali partidu seluk. Buatus nee espailha iha Dili laran.

Hau nafatin Fretilin. Hau sei lasai husi partidu istoriku nee too mate,” hateten Adriano bainhira halo dialogu ho komunidade iha Hatoudo, Postu Administrativa Hatoudo, Munisipiu Ainaro, Sesta (30/6/2017).

Desde ASDT hahu harii iha tinan 1974, nia ho grupu kiik ida suporta makaas kedas ba ASDT neebe ikus mai nakfilak ba  Fretilin. Tamba nee nia sei lasai husi “Tamba nee, hau nafatin Fretilin. Sei lasai husi partidu istoriku nee.

Ba partidu kiik sira mak gosta espaila buatus sira nee, diak liu mai hamutuk ho Fretilin. “Laos Adriano atu ba hamutuk fali ho sira” nia dehan.

Responde issue nee, Manuel da Costa (observador politika nasional) hateten, iha tempu kampaina hanesan, ema gosta espaila issue tun sae, para povu bele simpatia ba sira nia partidu.

Hatan problema buatus nee, Sekjer Partidu Fretilin Alkatiri hatete nia lafiar Adrian atu haksoit ba partidu seluk. “Se maka Adriano, hau hatene. Nia sei lasai husi Fretilin,” nia dehan. Carme Ximenes/EST2

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: