CNE Lakoi Fo Lista Kandidatura Partidu Ba Media

DILI - Komisaun Nasional Eleisaun (CNE) hanesan orgaun administrasaun eleitoral hodi halo knar supervizaun, lakoi fo lista kandidatura partidu politik nian media sira hodi halo publikasaun.

Tuir Vise Prezidente CNE, Duarte Tilman katak, Tribunal Rekursu notifika ona lista kandidatura partidu politik ba CNE, maibe labele fo ba media halo publikasaun tanba lei lafo dalan.

Ami simu, ami labele publika ba imi (media) tanba ita nia regra hatete lista feixada,” dehan Duarte ba jornalista sira iha nia knar fatin, Caicoli-Dili, Sesta (30/06/2017).

Duarte haktuir, lista kandidatura partidu politik nian nee so partidu politik idaidak mak bele hatene ninia. Se loke lista kandidatura sira, partidu politik nian mak partidu balun sei uza sai hanesan materia kampania.

Iha fatin ketak, Diretor Jeral Sekretariadu Tekniku Administrasaun Eleitoral (STAE), Acilino Manuel Branco dehan, lista kandidatura partidu politik nian neebe atu asesu ba Parlamentu Nasional (PN) STAE labele publika.

Entertantu, Reprezentante Programa Oficer AJAR, Inocencio Xavier esplika, tuir lolos publiku asesu ba lista kandidatura maibe realidade laasesu ida nee hanesan tristeza boot id aba publiku. Raimundo S. Fraga

Suara Timor Lorosae – Foto: CNE tl