Hari Tribunal Supremu, Presija Juiz Primera Klase

DILI - Atu hari Tribunal Supremu iha Timor Leste, presija juis sira neebe mai ho background primera klasse.

Tuir Jurista Manuel Tilman katak, atu hari tribunal supremu, presija juiza primera klase, seidauk iha, maibe agora halo inspesaun, atu promove juis sira.

“Atu hari tribunal supremu, tenke iha juiza primera klase, ita seidauk iha. Agora halo hela inspesaun atu prmove, juiza sira. Juiza iha kategoria tolu, primeru hotu tiha kursu centru formasaun juridika hetan aprovasaun ba juiza estajiadus, depois juis estajiadu sae ba juis terseira klase, minimu tinan 2 vaga iha segunda klase, promovidu ba segunda klase maibe, tenke halo uluk inpesaun,” hateten Manuel ba Jornalista sira iha nia knar fatin Praia Dos Kokeiros Segunda, (07/08/2017).

Salienta tan, atu sae ba juis primera klase, iha oin rua. Tinan rua tenke iha segunda klase, no segundu tenke iha vaga iha primera klase, no terseiru tenke hetan notas ka valor neebe aas. Inspesaun uluk halo tiha teste ida, se liu ba primera klase, se la liu la ba tur iha neeba, tanba primera klase nee espesial.

Iha fatin seluk, finalista FCS UNTL Vidal Magno hateten, presija promove no formasaun ba juis Timor oan sira, atu bele halo servisu ho diak. Terezinha De Deus

Suara Timor Lorosae