quinta-feira, 10 de agosto de 2017

Enkontru PD-Fretilin, Sai Save Ba Fretilin

DILI – Sesta (11/8/2017) enkontru entre partidu 2 hanesan PD ho Fretilin, hodi halo dialogu ba formasaun setimu governu, tanba nee PD sai save ba Fretilin forma governu.

Liu husi via telefone Dosente Peskizador Fakuldade Ciensias Sosiais UNTL Quintino de Cristo hatete, partidu PLP no Cnrt lakohi forma governu no hakarak sai opozisaun, maibe iha partidu 2 neebe mak seidauk rona nia opiniaun.

Hau hanoin ohin PD sai save ba partidu Fretilin, ba iha formasaun governu, tanba durante nee akompana PD sempre prontu liu husi media, no kometariu husi sekjer partidu hakarak koliga hodi lori dezenvolvimentu TL ba oin,” katak Quintino ba STL via Telefone Kinta (10/08/2017).


Nia hatete, aleinde ida nee, mak lamosu formasaun governu bele mos apoiu malu deit iha Parlamentu Nasional (PN) no husik governasaun Fretilin mak ukun mesak.

Entretantu iha intervista Deputadu Bankada PD Adriano do Nacimento hatete, PD sempre hatete prontu atu servi, sira nia moto durante kampana eleisaun hatete “Ba O Timor PD Prontu servi” ida nee signifika katak PD prontu servi kualker pozisaun.

Enkuantu nasaun no situasaun ida nee presiza, PD atu fo kontribuisaun, tanba PD nia  moto iha deklarasun partidu iha PN katak, kaer metin ukun rasik aan, atu kaer metin ukun rasik aan nee mak PD sempre prontu ba kualker  desizaun prontu fo kontribuisaun. Guilhermina F/ Domingos P / Jacinta S

Suara Timor Lorosae

Sem comentários: