DILI,
(TATOLI) – Ministru Negósiu Estranjeiru no Kooperasaun (MNEK), Hernâni
Coelho atualiza informasaun ba Prezidete Repúblika, Francisco Guterres Lú Olo
kona-ba Prezidente Repúblika nia partisipasaun ba reuniaun Asembleia Jerál
Organizasaun Nasoen Unida (ONU) iha Nova Iorke, Estadu Unidu Amérika, 18 to’o
21 setembru.
“Ohin
ha’u mai halo atualizasaun ba Prezidente Repúblika atividade iha Nova Iorke,
ámbitu reuniaun Asembleia Jerál Nasoen Unida. Atividade maka Prezidente
Repúblika partisipa iha enkontru ho Sekretáriu Jerál Organizasaun Nasoen Unida
(ONU) ninian no partisipasaun iha resepsaun sira ne’ebé maka Sekretáriu Jerál
ONU no Prezidente Repúblika Estadu Unidu Amérika sei oferese”, hato’o Hernâni
ba jornalista sira iha Palásiu Prezidente Nicolau Lobato, Bairu-Pité, ohin.
Hafoin
ne’e, Hernâni informa, sesaun abertura plenária parte jerál Asembleia Jerál
Nasoen Unida ninian ne’ebé maka Prezidente Repúblika sei iha tempu halo
aprezentasaun reprezenta Estadu Timor ninian.
Nia
hatutan atividade paralela komplementár relasiona ho reuniaun Konsellu
Seguransa Nasoen Unida ninian ne’ebé sei ko’alia kona-ba kestaun pás ninian,
tanba Timor sai hanesan ezemplu ida hosi atividade operasaun manutensaun ba
dame ne’ebé Nasoen Unida halo iha mundu tomak. Ne’e duni, ONU konvida
Timor-Leste para partilla esperiénsia interasaun ba dame hosi 1999 to’o 2012.
“Prezidente
Repúblika mós sei iha atividade komplementár ida tan relasiona ho programa briefing kona-ba
Fronteira Marítima liu-liu prosesu Konsiliasaun Kompulsoria Timor ho Austrália,
nomós prosesu negosiasaun fronteira terrestre ho Indonézia. Ida ne’e atu
partilla ba rai ki’ik sira ne’ebé maka iha kestaun hanesan ho Timor nian”,
Hernâni informa.
Nia
dehan tan Prezidente mós sei ko’alia kona-ba pás no dezenvolvimentu iha nasaun
sira ne’ebé maka foin sai hosi konflitu iha ámbitu programa G7+ ninian. Xefe
Estadu ho nia komitiva sei aranka ba Nova Iorke iha 16 setembru.
Jornalista:
Xisto Freitas | Editora: Rita Almeida
Foto:
Enkontru entre Ministru Negósiu Estranjeiru no Kooperasaun, Hernâni Coelho no
Prezidente Repúblika, Dr. Francisco Guterres Lú Olo. Imajen Mídia Palásiu PR
Sem comentários:
Enviar um comentário