DILI,
(TATOLI) – Estadu liuhosi Ministériu Públiku munisípiu Baukau sei prosesa
kompañia peska Hong Long husi Xina tanba viola akordu ho governu hodi ka’er
tubaraun ne’ebé proteje ho illegál.
Desizaun
ne’e foti kuandu Primeiru Ministru, Rui Maria de Araújo, Ministru Interior,
Longuinhos Monteiro no Polísia Nasionál Timor-Leste (PNTL), ohin, konvoka
enkontru urjente iha Palásiu Governu ho haree kestaun ne’e.
ʺBuat
ne’ebé krime ita nia instituisaun hanesan Ministériu Públiku no Polísia atu
foti medidaʺ, dehan Rui Araújo.
Ministru
Interior hatutan, kompañia ka’er duni ikan ho espesifiku tubaraun ho kuantidade
barak tanba ne’e polísia investigasaun kriminál relata ona relatóriu ba
Ministériu Públiku no Ministériu Interior rasik.
ʺKazu
ne’e rejistu ona iha ministériu públiku munisípiu Baukau nian, númeru kazu
mós iha ona, hein katak ministériu públiku sei kontinua fó orientasaun ba
polísia atu halo investigasaunʺ,
katak.
Parte
ministériu públiku no polísia sei haruka relatóriu ba Ministériu
Agrikultura no Peska hodi fó sansaun administrativa ba Kompañia.
Maske
viola ona akordu koperasaun, maibé kompañia ne’e kontinua hala’o atividade
peska.
Atividade
ilegál ne’e deskobre hosi polísia investigasaun kriminál hafoin hala’o
inspesaun ba atividade kompañia iha tasi Kosta Súl foin lalais.
Kompañia
ne’e hala’o atividade peska iha tasi Kosta Súl ho ró 15 hahú 2016 to’o 2017
tanba estabelese ona akordu ho Ministériu Agrikultura no Peska.
Jornalista:
Agapito dos Santos | Editora: Rita Almeida
Foto:
Foto GPM
Sem comentários:
Enviar um comentário