DILI,
(TATOLI) - Partidu Kmanek Haburas Unidade Nasionál (KHUNTO) la partisipa iha
asina akordu koligasaun entre partidu tolu hanesan FRETILIN, Partidu
Demokrátiku (PD) no KHUNTO hodi forma Sétimu Governu Konstitusionál iha Sede
Comité Central da FRETILIN, Fatuhada, Dili, Kuarta, ohin dadeer tuku 11:00
ne’e.
Tanba
ne’e, partidu FRETILIN no PD mesak de’it maka asina dokumentu refere hodi forma
governu.
Razaun
KHUNTO la partisipa iha asina dokumentu koligasaun tanba seidauk konsege
rezolve problema interna iha partidu laran.
Maski
nune’e, Prezidente PD, Mariano Assanami Sabino hateten PD sei la muda nia
pozisaun no avansa asina dokumentu koligasaun hamutuk ho FRETILIN hodi forma
governu.
“Ami
dehan beibeik ona katak PD prontu serbí Timor sein kondisaun,” Assanami dehan
liuhusi serimónia asina dokumentu koligasaun entre PD no FRETILIN iha sede CCF.
Entretantu,
Sekretáriu Jerál FRETILIN, Dr. Marí Alkatiri hateten tempu ikus asina dokumentu
koligasaun maka to’o ohin de’it ona. Tanba ne’e, maski KHUNTO la partisipa,
partidu rua tenke asina ona dokumentu koligasaun tanba labele adia beibeik hodi
fó inserteza ba públiku.
Biar
nune’e, Marí dehan, bainhira Governu ne’e harii tiha nia sei hala’o diálogu
hikas ho partidu sira no personalidade importante sira hodi hametin
estabilidade governativa, estabilidade nasionál no pás.
Iha
parte seluk, lider istóriku sira hanesan Abílio de Araújo, José Ramos Horta no
Rogério Tiago Lobato fó korajen ba FRETILIN atu avansa hamutuk ho PD harii
governu.
Lider
tolu ne’e mós promete katak hahú ohin ba oin sira sei buka meius hotu-hotu
liu-liu aprosima partidu sira seluk hodi hamutuk kontribui ba dezenvolvimentu
Timor liuhusi governu foun ne’e.
Hafoin
asina dokumentu, partidu rua hamutuk ho lider istóriku sira lori dokumentu
koligasaun no aprezenta Primeiru Ministru ba Prezidente Repúblika, Dr.
Francisco Guterres Lú Olo hodi hetan nomeasaun iha tuku 12:00 ne’e.
Antes
ne’e Partidu KHUNTO, FRETILIN, PD asina asina ona nota entendimentu ida iha
Otél Novo Turizmu ne’ebé hatete, KHUNTO ho PD apoia no aseita kandidatu
FRETILIN ba meja Parlamentu Nasionál.
Jornalista:
Xisto Freitas | Editór: Manuel Pinto
Foto:
Lider partidu Polítiku Mari Alkatiri (Fretilín) liman los ho Mariano Asanami
Sabino (PD) liman karuk
Sem comentários:
Enviar um comentário