DILI
- Tuir dadus neebe rejistu iha Sentru Saude Vera-Cruz (SSVC) durante Fulan
Agostu nia laran atende inan partus normal hamutuk 66.
Tuir
Xefe SSCV, Dulce Pinto Tilman katak, iha Fulan Agostu nia laran
inan sira neebe partus iha SSCV hamutu 66, maibe iha nain lima
konsege evakua ba Hospital Nasional Guido Valadare (HNGV), tanba
presiza atendementu intensivu husi doutor espesialista.
“Pasiente
nain 5 nee ami tenki halo transferensia ba HNGV tanba posisaun lanormal
nee duni, presiza halo operasaun,”katak Dulce ba STL iha SS Vera-Cruz, Segunda
(11/9/2017). Nia sublina tan katak, dala barak komplikasaun mosu
iha tempu atu partus maske kada fula inan isin rua sempre halo cek up.
Liu
husi oportunidade cek up parteira sira sempre fo esplikasaun ba inan
isin-rua kona-ba risku neebe karik mosu iha prosesu isin-rua, maibe ita
lahatene problema iha kabun laran maske kada fula sempre halo cek up iha
sentru saude.
Tanba
dala barak komplikasaun mosu iha fulan ikus atu partus nunee susar atu detekta.
Atu bele detekta iha trimester premeiru isin-rua sira detakta ona
katak ema nee iha tensaun aas ho nunee bele rekomenda fali ba
sira konsulta iha HNGV ho nunee bele hetan tratamentu intensive.
Iha
fatin hanesan Juliana Ximenes nuudar inan isin rua dehan, iha SSVC parteira
sira sempre fo atendementu neebe masimu ba inan isin-rua bainhira halo
tratamentu.
Maibe,
iha defikuldade oituan mak falta ai-moruk vitamin ba inan isin-rua. Besik
semana tolu atu ba fulan ai-moruk vitamina laiha. Tanba nee pesoal saude
rekomenda ba sira ba sosa iha klinika privadu.
“Sim
realidade ai-moruk vitamina ba ami isin rua laiha, kuaze semana tolu ona,
ai-moruk nee laiha, entaun pesoal saude sira haruka ami ba hola ai-moruk, tanba
ami hakarak ami nia oan nia saude diak,” dehan Juliana.
Jeniche
da Costa | Suara Timor Lorosae
Sem comentários:
Enviar um comentário