DILI:
Iha situasaun tensaun polítika hahú manas, Primeiru Ministru, Mari Alkatiri,
husu ba mate-restu 12 Novembru 1991, hodi kontribui nafatin ba pás,
estabilidade no unidade nasionál.
Nia
husu ba vítima sira atu fó apoiu ba prosesu dezenvolvimentu ne’ebé la'o iha
nasaun ne’e hodi kria estabilidade.
“Labele
haree de’it ba kotuk ne'ebé ko'alia de’it mak direitu, maibé tenke haree mós ba
oin para nune’e bele kontribui di'ak liután ba dezenvolvimentu nasaun ida ne’e
nian”, dehan PM Alkatiri bainhira hasoru malu ho mate-restu 12 Novembru (K12N),
iha Palásiu Governu, horisehik.
Husu
mós ba Komité 12 Novembru labele hare de’it ba pasadu, maibé tempu to’o ona atu
hare prosesu oinsá atu hetan partisipasaun iha prosesu ba oin liu husi
dezenvolvimentu rai ne’e.
Iha
fatin hanesan, Sekretaria Jerál K12N, Justiniano de Jesus hateten, soru-mutu ho
Xefe Governu atu husu apoiu ba atividade II Kongresu Nasionál ne'ebé sei
realiza iha fulan oin mai.
Pedidu
hirak ne’e Governu rona no simu hodi tau iha konsiderasaun atu haree no fó
apoiu ba kongresu ne'ebé K12N sei hala’o iha tempu badak.
Portantu
kada tinan sempre hatudu realidade ne'ebé hamosu pro-kontra katak públiku
kestiona prezensa K12N nian ladún haree ba prosesu seluk atu apoiu di'ak liután
sobrevivente sira ne'ebé iha munisípiu.
Realidade
hatudu ona bainhira hamosu Kooperativa 12 Novembru nian to’o ohin loron laiha
relatóriu kona-ba progresu iha kooperativa laran. Tanba, durante ne’e apoiu no
kontribuisaun vítima sira nian makaas harii kooperativa ne’e.
Tomé
Amado | Independente
Sem comentários:
Enviar um comentário