DILI – Lakleur tan desizaun
hakotu impase politika sei sai husi Prezidente Republika (PT), tanba nee atu fo
ba Aliansa Maioria Parlamentar (AMP) forma governu, ka ba Eleisaun Antisipada
(EA), maibe konstituisaun sai baze ba PR nia desizaun.
Kestaun nee hatoo husi Xefe
Bankada Fretilin Francisco Branco katak, hakotu impase politika desizaun sei
mai husi PR, neebe desizaun sei tuir konstituisaun. Maibe sei lafo diretamente
ba segundu mais votadu.
Ami hanoin stetimentu ema hotu
nian, ba impase politika nee, hein deit Pezidente nia desizaun, desizaun nee
sei tuir konstituisaun, tanba konstituisaun mak sai baze ba desizaun
Prezidente. Maibe atu entrega ba segundu mais votadu laiha,” katak Branco ba Jornalista
Kinta (25/01/2018) iha PN.
Nia hatete, nudar bankada
kooligasaun PR nia desizaun saida sira hakruuk. Maibe diak liu ba EA, tanba
depois mandatu partidu 5 simu husi rezultadu eleisaun, hodi mai tuur iha PN,
maibe lahalao tuir mandatu neebe iha.
Nunee mos Xefe Bankada PD Maria
Teresa da Silva hatete, PR atu foti desizaun sei tuir konstituisaun, maibe
desizaun saida seidauk hatene.
Nia hatete, se karik atu fo ba
AMP forma oitavu governu, lahalo espekulasaun, maibe iha rezultadu eleisaun
povu fo fiar ba Fretilin manan maioria simples atu hodi ukun. Neebe diak liu fo
fila fali ba povu atu deside. Maibe PD nafatin hakruuk ba desizaun PR nian
saida deit.
Guilhermina Franco | Suara Timor
Lorosae
Sem comentários:
Enviar um comentário