DILI, (TATOLI) – Xefe
Bankada Kongresu Nasionál Rekonstrusaun Timor (CNRT-sigla portugés), Arão Noe,
hateten esperansa Aliansa Maioria Parlamentár (AMP) mak oinsá Prezidente
Repúblika (PR), Francisco Guterres Lú Olo, hakotu impase polítika iha rai-laran.
“Xefe Estadu, Lú Olo molok atu
deside tenke haree hotu impaktu polítiku iha Estadu Direitu Demokrátiku tanba
kuandu eleisaun antesipada akontese bele hamosu krize ekonomia, krize
finanseiru no krize polítika. Ami só akresenta de’it maibé kompeténsia iha
Prezidente nia liman”, hatete Arão Noe liuhosi konferénsia imprensia iha
Parlamentu Nasionál, kinta (25/1).
Tuir nia haree kuandu akontese
eleisaun antesipada sei difikulta materiál sensitivu ba prosesu eleitorál iha
área remota ho tempu udan agora dadaun.
Enkuantu, entrega ba partidu mais
votadu daruak, tuir nia sei rezolve situasaun polítika, bele forma governu,
programa governu bele aprova, lei orgánika prontu no Orsamentu Jerál Estadu
(OJE) 2018 bele aprova.
“Ami aprezenta solusaun ne’e
tanba bele garante Estadu, labele moris iha inserteza polítika ne’e iha
tempu naruk”, afirma.
Tanba ne’e, bainhira akontese
eleisaun antesipada tenke ba fulan neen, sei inserteza laran nafatin maibé
eleisaun tuir mai mak partidu priénse 50+1 entaun formasaun governu fasíl maibé
sé situasaun polítika nune’e nafatin, entaun tenke halo koligasaun, presiza tan
tempu atu negósia tun sa’e hodi halo konsensu atu forma governu.
Iha parte seluk, Xefe Bankada
Kmanek Haburas Unidade Nasionál Timor Oan (KHUNTO), Luis Guterres, akresenta
AMP la tau kanoru tohar ba desizaun Orezidente nian maibé tanba atu labele hakolen
povu no labele halo partidu polítika presaun ba malu, di’ak liu AMP iha
kondisaun atu avansa.
Nune’e mós, Xefe Bankada Partidu
Libertasaun Populár (PLP), Fidelis Magalhães, hateten povu no partidu polítiku
hotu hein desizaun PR.
Enkuantu, Xefe Estadu sei
hakotu impase polítika iha loron aban 26 maibé antes ne’e nia rona ona hanoin
hosi parte hotu, partidu sira ne’ebé hetan asentu iha Parlamentu Nasionál, no
membru Konsellu Estadu.
Jornalista: Zezito Silva | Editora:
Rita Almeida
Imajen: Xefe Bankada CNRT, Arão
Noé. Foto Antonio Goncalves
Sem comentários:
Enviar um comentário