Militante CNRT Afilia Ba Fretilin, Branco: Fretilin Nakloke Ba Ema Hotu

DILI - Politika partidu Fretilin nakole ba ema hotu, tanba nee partidu istoriku nee simu, militante husi partidu neebe deit maka hakara afilia ba Fretilin.

Kestaun nee Xefi bankada Fretilin deputadu Francisco Miranda Branco hatete, relasiona ho militante partidu CNRT nian balu, iha Munisipiu Dili komesa afilia ona ba partidu Fretilin.

Xefi bankada Fretilin deputadu Francisco Miranda Branco hateten, Politika Fretilin nian nakloke ba ema hotu, tanba nee Fretilin simu kualker ema ida neebe hakarak hakarak mai hamutuk Fretilin.

Ami simu kualker ema ida neebe deit, hakarak mai hamutuk ho ami, tanba nee ami fo benvindu,” dehan deputadu Branco, ba STL, iha sala bankada Fretilin, Kinta (25/01/2018).

Nia dehan, durante semana liu ba iha militante husi partidu balu tama mai Fretilin, nee hatudu katak iha sinal positiva ba politika Fretilin ninian, iha konsesnsia ona katak programa governu nian aprezenta iha PN neebe hetan rejeisaun husi oposizaun ema barak hanoin katak, tuir lolos oposizaun labele rejeita.

Iha parte ketak, membru PN husi bankada CNRT Natalino dos Santos hateten, Militante hakarak sai fatin ida ba fatin seluk nee ninia direitu CNRT labandu, tanba nee hakarak mai-mai, hakarak sai–sai, maibe sira neebe maka iha kuadrus nee sansaun automatic sei iha sansaun katak sira lakon sira nia kargu hanesan responsabel. 

Carme Ximenes | Suara Timor Lorosae