Adidu Seguransa Foun iha Canberra Promove Kooperasaun Defesa Internasional

Fundasaun Mahein apresia ba nomeasaun Komisariu PNTL Afonso de Jesus hanesan adidu Seguransa ba iha Embaixada Timor nian iha Canberra Australia, nomeasaun ne’e fo sai iha loron 1 Febreiru 2018. Afonso de Jesus hanesan ema primeru ne’ebé sei servisu hanesan adidu Seguransa Timor nian ba nasaun estranjeiru ida. Pozisaun foun ida ne’e reprezenta pasu ida ba ohin kona-bá Timor-Leste nia parseiru seguransa ho nasaun vizinu ida. FM espera katak pozisaun Afonso de Jesus nian bele serve hanesan modelu ida hodi foka ba dezenvolvimentu parseria defesa rai liur nian.

Depois asume pozisaun hanesan segundu komandante Polísia Nacional Timor-Leste (PNTL) nian, Afonso de Jesus iha kuinesimentu barak kona-bá dezafius seguransa Timor-Leste nian hanesan peska ilegal no trafiku droga. Timor-Leste bele rezolve asuntu hirak ne’e ho efetivu liu hosi kooperasaun ho ninia nasaun vizinus sira. Iha tempu bahinhira programa Ro’o Patrollia Paz nian promote sei hasa’e kapasidade seguransa marítima Timor-Leste nian, Adidu seguransa ne’e bele servisu ho ulun-boot sira Australia nian hodi dezena koordenasaun polítika diak ne’ebé bele rezolve krime internasional, terorizmu no asuntu seguransa sira seluk ne’ebé afeta ba nasaun rua Timor-Leste ho Australia. Aleinde ne’e Adidu seguransa foun ne’e bele ajuda Australia nia kooperasaun hodi suporta ba dezenvolvimentu PNTL nian. Ajudu hanesan ne’e akontese tinan hira ona hanesan programa ida husi Australia nian ho naran Programa Dezenvolvimentu ba Polísia Timor-Leste (TLPDP) ne’ebé foka ba area espesifiku sira hanesan prosesu investigasaun, kontrolu ba trafiku no administrasaun. Programa ida ne’e sai hanesan fundamentu ida ba Afonso de Jesus hodi bele dezenvolve diak kooperasaun entre nasaun rua ne’e ba ohin.

Estabelesementu Adidu seguransa foun ne’e hanesan istoria importante ba PNTL, ne’ebé marka ona disiplina no kapasidade ne’ebé aas iha dekada ikus ne’e. Depois solusiona barak ba polítizasaun ne’ebé iha durante krize 2006, PNTL agora sai maduru diak ona hodi reprezenta interese seguransa Timor-Leste nian iha rai liur. Maibe atu kontinua prenxe papel ida ne’e, PNTL tenki haree mos ba ninia limitasaun ne’ebé iha, partikularmente korupsaun ne’ebé sei iha polísia nia laran, halo erozaun ba lejítimu organizasaun nian. Polítiku sira no ulun boot PNTL nian tenke servisu ativu hodi rezolve asuntu hirak ne’e no halo kompleta transformasaun PNTL nian sai forsa polísia ne’ebé professional no modernu.

Pozisaun ba adidu seguransa foun ne’e establese iha Camberra hanesan ezemplu diplomasia seguransa ne’ebé Timor-Leste tenke kondus ho nasaun boot sira. Partikularmente papel Adidu ne’e tenke replika iha Indonezia. Aleinde ne’e, nasaun vizinus sira Timor-Leste nian FM espera katak ulun boot PNTL sira tenta uza papel ne’ebé hanesan ho nasaun sira seluk husi membru ASEAN sira. Asuntu terorizmu no trafiku droga tenta atu influensia nasaun hotu-hotu iha rejiaun ne’e. Dadaun ne’e iha konviksaun ba autor droga sira iha Portu Dili, ho ro’o-nahan ne’ebé suspetu sira lori husi Singapura ne’ebé planeia kontinua lori ba Indonezia foka ba asuntu seguransa ne’ebé iha ligasaun ba malu iha Sudeste Asia. Adidu seguransa ne’e bele asumi papel importante hodi dezenvolve aprosimasaun rejional ba presaun dezafius hirak ne’e.

Fundasaun Mahein

Photo Link: http://www.thediliweekly.com/tl/notisias/seguransadefeza/15170-governu-nomeia-eis-ii-komandante-pntl-sai-adidu-seguransa-iha-australia