Governu Makau nian afirma ona,
iha loron-kuarta ne'e, katak hanoin hela planu ida hodi destaka profisional
sira saúde nian ba nasaun sira ne'ebé halo parte iha inisiativu xineza
"Faixa ida, dalan ida" liuliu ba Timor-Leste.
Tuir komunikadu, programa
investimentu hosi Prezidente Xina nian, Xi Jinping, kalkula prestasaun apoiu ba
nasaun sira ne'e hodi kria rede ida hodi haree ba kuidade saúde importante
sira.
Polítika sira hosi saúde públika
iha Makau ho Hong Kong ko'alia ona durante Asembleia Mundial Saúde nian, iha
Jenebra, iha enkontru ida entre diretor hosi komisaun nasional saúde nian, Ma
Xiaowei, sekretáriu ba asuntu sosial sira ho kultura hosi Makau, Alexis Tam, ho
diretora hosi serbisu sira ba alimentasaun ho saúde Hong Kong nian, Sophia
Chen.
Durante enkontru, Alexis Tam
garanti asinatura, iha inísiu tinan ne'e, hosi akordu koperasaun ida iha área
sira saúde ho hijiene iha Rejiaun Metropolitanu hosi Grande Baía Guangdong-Hong
Kong-Makau.
Tuir sekretáriu, akordu nia
objetivu maka aumenta interkámbiu ho koperasaun hosi rejiaun tolu iha área sira
asisténsia médiku ho saúde públiku.
Aleinde Guangdong, Hong Kong ho Makau,
rejiaun Grande Baía halo mós parte fatin sia: Kantaun, Shenzhen, Zhuhai,
Foshan, Huizhou, Dongguan, Zhongshan, Jiangmen ho Zhaoqing. Hamutuk, konta ho
populasaun millaun 110 resin.
Alexis Tam subliña mós formasaun
ba kuadru sira iha ámbitu hosi medisina tradisional xineza ba mundu.
Iha parte seluk, diretor Ma
konsidera planu konstituisaun hosi Grande Baía di'ak ba interkámbiu no ba
koperasaun entre médiku sira no enfermeiru sira hosi rejiaun, disponibiliza ba
Hong Kong no Makau fatin boot ida ba dezenvolvimentu hosi serbisu sira saúde
nian.
Ikusmai, nia garanti ona katak
Komisaun Nasional Saúde sei apoia Makau iha kandidatura ba kriasaun hosi Ekipa
Internasional hosi Emerjénsia Médiku nian. Bainhira iha susesu, Makau sei
hanesan ekipa dahaat hosi emerjénsia médiku iha nível nasional.
SAPO TL ho Lusa
Sem comentários:
Enviar um comentário