quinta-feira, 24 de maio de 2018

Konsensu Nasionál Mosu iha PN

PARTILHAR

DILI, (TATOLI) – Primeiru-Ministru, Marí Alkatiri, hateten konsensu nasionál mosu iha Parlamentu Nasionál (PN) ligadu ba kestaun interese Estadu.

“Ne’e polítika FRETILIN nian hori uluk kedas, katak, saida maka interese Estadu buka atu konsensu,” Marí hato’o ba jornalista sira iha Palásiu Prezidente Nicolau Lobato, Bairru Pité, kinta ne’e, relasiona ho situasaun polítika atuál iha rai laran.

Nia dehan to’o ohin loron seidauk iha sinál ba konsensu nasionál entre líder nasionál sira tanba ida-idak halo hela ninia polítika interna partidu.

Marí tenik Prezidente Repúblika nia papél importante atu intermediária líder nasionál sira hodi atinji konsensu nasionál. “Figura ne’ebé halo funsaun ida ne’e (intermediária) maka Prezidente Repúblika”, esplika.

Atuál Sekretáriu Jerál FRETILIN informa FRETILIN ba opozisaun sei haree liu-ba kestaun redús despeza, polítika dezenvolvimentu no fiskaliza serbisu governu liuhusi ministériu ida-idak.

“Naturalmente FRETILIN sei la halo movimentu ida atu hatún Governu. Ne’e ha’u garante. Se Oitavu Governu ne’e loron ida monu karik sira maka sei monu rasik maibé la’ós FRETILIN maka sei hamonu,” nia afirma.

Jornalista: Xisto Freitas | Editora: Rita Almeida

Imajen: Primeiru Ministru (PM), Marí Alkatiri.
PARTILHAR

Author: verified_user

Publicação luso-timorense sem fins lucrativos

0 comentários: