Lere: Povu Nafatin Fo Konfiansa Ba Xanana-TMR

DILI - Xefe Estadu Maior FALINTIL Forsa Defeza Timor Leste (F-FDTL), Major Jenerál Lere Anan Timur rekomenda ba VIII governu mai, povu depozita nafatin konfiansa ba Taur Matan Ruak (TMR)  ho Xanana Gusmão atu lidera governu.

Governu foun sei mai nee, ita haree nee laos ema seluk maka iha neeba, maibe ita nia maun boot Xanana ho Taur maka iha neeba. Hau hanoin katak ita nia povu depozita nafatin konfiansa ba sira. Tanba nee maka ba hau, bainhira hau maka polítiku karik hau dehan hau nia maun Xanana koalia saida, hau tuir deit bainhira nia sei moris,” dehan Xefe Estadu Maior FALINTIL Forsa Defeza Timor Leste (F-FDTL), Major Jenerál Lere Anan Timur ba jornalista kuarta (23/05//2018) hafoin remata enkontru ho Prezidente Repúblika iha Palasiu Prezidensia Bairu-Pite.

Nia dehan, ba VIII governu neebé mai nee, servisu hamutuk ho maun nain rua fo valor nafatin ba maun nain rua nee.

Nunee mos Auturidade lokal Fernando Maia, liu husi via telefone hateten, liu husi elisaun antisipada neebe monu iha loron 12 fulan Maiu, povu kontinua tau fiar ba Xanana Gusmao ho Taur Matan Ruak atu lidera Governu, maibe interese povu nian maka lider neebe deit maka ukun, importante maka hadia povu nia moris, no lori povu ba moris diak. 

Notisia kompletu lee iha jornal STL edisaun Kinta, (23/05/2018)

Madalena Horta | Suara Timor Lorosae