sexta-feira, 19 de outubro de 2018

Tempu Agora Emprezáriu Sira Prepara An Atu Kompete

PARTILHAR

DILI, (TATOLI) - Primeiru Ministru (PM) Taur Matan Ruak husu ba emprezáriu nasionál hotu atu prepara an, liu-liu iha finanseiru, jestaun no rekursu, hodi kompete ho emprezáriu estranjeiru.

Afirmasaun  ne’e Primeiru Ministru halo relasiona ho ezijénsia emprezáriu nasionál katak, Empreza timoroan mós tenke sósiu ho governu atu iha direitu ba Saham konsórsiu Greater Sunrise nian ne’ebé foin lalais ne’e governu hola hosi ConocoPhillips ho montante osan $ 350 millions.

“Prepara an, servisu professional, hare ida aban mai bo’ot liu no barak liu. Tanba ne’e tenke prepara aan, labele hakilar de’it depois rezultadu laiha, pratika laiha, ida ne’e maka ha’u nia mensajen,” Primeiru Ministru fó hanoin liuhosi Jornalista sira iha Palásiu Prezidensiál Bairru Pité Dili, ohin.

“Emprezáriu timoroan sira atu prepara an di’ak liután intermus finanseira, jestaun no rekursu umanus, vizaun no misaun organizasaun ne’ebé di’ak hodi kompete ho emprezáriu rai li’ur.”

“Ami (Governu) rejista sira Emprezáriu) nia preokupasaun, maibé ami seidauk fó resposta,” PM Taur esplika.

Jornalista: Agapito dos Santos | Editór: Manuel Pinto
PARTILHAR

Author: verified_user

Publicação luso-timorense sem fins lucrativos

0 comentários: