Dili - Tribunal Distrital
Dili iha loron Kinta, (18/10/2018) julga arguidu ho inisial NMV, hanesan membru
PNTL, neebe komete krime ofensa integridade fisika simples neebe previstu iha
artigu 145 husi KP.
Tuir akuzasaun husi Ministeriu
Publiku katak, iha loron 1 fulan Maio 2018, mais ou menus oars tuku 13:00
meudia, lezadu EJM hamutuk ho arguidu ba iha Eskuadra Dom Alexo atu rezolve
problema konaba rai entre arguidu, ho nia Tia.
Bainhira too iha Eskuadra lezadu
tenta tama ba iha atu eskarese, konaba rai neebe sai hanesan problema. Arguidu
hakbesik ba iha lezadu lori liman tuku dala ida, kona iha lezadu nia matan bubu
no metan. Arguidu hanesan autor ba krime ofensa integridade fisika simples
neebe previstu iha artigu 145 iha KP.
Hatan ba akuzasaun nee arguidu
deklara katak, faktus balu loos no balu lalos.
“Ami rejolve problema tur hela
iha laran, depois ema ida rasta iha hau nia kamiza gola, nee mak hau lori hau
nia liman liki ba kotuk, mas hau la tuku ida, ”deklara arguidu iha sala
julgamentu.
Tanba nee, Liu husi alegasaun MP
solisita ba Tribunal atu aplika pena prizaun fulan neen, supende ba tinan ida.
Enkuantu husi parte Defeza nian, solisita ba Tribunal mak tetu atu deside.
Audensia julgamentu nee, Prezide
husi Juis Singular Edite Palmira, Ministeriu Publiku reprezenta husi Prokurador
Renato Bere Nahac, arguidu hetan asistensia legal husi Advogada Privada.
Notisia kompletu lee iha jornal
STL edisaun Sexta (19102018)
Terezinha De Deus | Suara Timor
Lorosae
Sem comentários:
Enviar um comentário