sexta-feira, 19 de outubro de 2018

Tinan Ne’e PNTL Sei Rekruta Joven 520

PARTILHAR

DILI, (TATOLI) – Komisáriu Polisía Nasionál Timor-Leste (PNTL), Júlio da Costa Hornay, hateten PNTL sei rekruta kandidatu PNTL hamutuk 520 iha dezembru tinan ne’e.

“Ha’u sei hein sistema free balance, kuandu loke ami sei halo iha inìsiu dezembru”, hateten Komandante Jerál PNTL ba jornalista sira hafoin enkontru semanál ho Prezidente Repúblika, Francisco Guterres Lú Olo, iha Palásiu Prezidensiál Bairru Pité, ohin.

Joven sira ne’ebé maka iha interese atu serbí Estadu liuhosi instituisaun PNTL bele kompete. “Joven sira ne’ebé hakarak tama polísia bele aplika, tuir selesaun pasa hodi treinu atu sai membru polísia”, afirma.

Hosi númeru ne’e, 260 maka sei tuir formasaun ba faze dahuluk depois restu iha faze ikus. Kritériu sai membru polísia maka tenke saúde di’ak, altura prense rekezitu no laiha rejistu kriminál.

Jornalista: Agapito dos Santos | Editora: Rita Almeida

Imajen: Komandante PNTL, Komisáriu Júlio Hornay. Imajen Tatoli/Egas Cristovão
PARTILHAR

Author: verified_user

Publicação luso-timorense sem fins lucrativos

0 comentários: