PR TAUR ORIENTA KOK, KAER MAUK MORUK MATE KA MORIS

Prezidenti Republika (PR) nudar mos Xefi Estado Maior F-FDTL, Taur Matan Ruak, orienta no apoiu Komando Operasaun Konjunta (KOK) atu hola medidas rigorozu hodi kaer prezidenti Konselhu Revolusaun Maubere (KRM), Paulio Gama “Mauk Moruk” mate ka moris.

“Prezidenti Republika ninia pozisaun ho ami hanesan, ami simu ordem husi Prezidenti Republika para bele aperta serku ba kaer Mauk Moruk mate ka moris,” informa Vise Xefi Esatdo Maior F-FDTL, Brigadeiro Filomeno Paixão, hafoin hasoru PR Taur Matan Ruak iha Palasiu Prezidenti, Aitarak Laran, Kuarta (01/07/2015).

Hafoin aktu krimi ne’ebe maka grupu KRM halo foin lalais ne’e hodi rezulta soldadu F-FDTL ida kanek tanbe hetan tiru iha ain, KOK liu husi operasaun HANITA sei lahalo tan ona aprosimasaun no Mauk Moruk, maibe sei aperta Mauk Moruk ho forsa tomak atu bele kaptura lalais ho kondisaun moris ou mate.

“Aprimasaun la iha tan ona agora dadauk apertar I serku kapturar viviu ou mortu,” afirma Brigadeiro Filomeno Paixão.

Filomeno Paixão dehan tan, L-7 la manda iha F-FDTL so Estadu mak manda F-FDTL. Nune’e mos Filomeno Paixão rezeita informasaun   kona-ba KOK tiru mate membru KRM nain rua iha Suco Atalari, Postu Administrativu   Laga, Munisipiu Baucau, Domingu (28/06/2015).

“Informasaun ne’e em prinsipiu hau dehan falsu porque ami seidauk iha konhesementu tiru mate ema ruma,”responde Filomeno Paixão.

Kona-ba transporte sira labele halo sirkulasuan husi postu Administrativu Baguia mai Laga, Filomeno Paixão, rekonhese ida ne’e los duni. Porque bele akontese tiru entre KRM ho KOK depois ema ne’ebe liu bele kona.

Iha parte seluk Ministru Defesa, Cirilo Cristovão no Ministeru Interior Longuinhos Monteiro informa servisu Ministerio Defesa   no Interior nian ba PR Taur Matan Ruak.

“Ami regularmente sempre mai hasoru Presidente para informa serbisu   Ministerio   Defesa no Ministerio Interior. Ohin informa mos situasaun atual pais nian liu-liu-liu informa katak, forsa ida kanek iha semana liu ba ne’ebe hetan triu husi grupu KRM,” hateten Cirilo Cristovão.

Cirilo Cristovão dehan, forsa sei la retira no husu grupu KRM aprezentaan no responsabiliza nia aktu iha Tribunal. Primeiru 15 Janeiro kazu akontese iha Saelari. Segundu akontese iha dia 8 Marsu akontese iha Baguai, Terseru rezulta forsa ida kanek iha Suco Atelari iha loron Domingu 29 fulan Juni 2015. avi

Jornal Nacional