Valor Prezuizu 700 Mil, MP Sei halo Rekursu Hasoru Cancio

DILI - Valor Prezuizu Kazu Eis Ministru Joao Cancio iha governasaun Aliansa Maioria Parlamentar (AMP)  nebe mak iha 700 Mil, maibe lolos 1.4 Mil tan nee Ministeriu Publiku sei halo Rekusu ba Tribunal Rekursu hodi hare ba kazu nee.

Tuir Prokurador Zeral Republika Jose Ximenes Katak iha tempu badak nia laran Ministeriu Publiku sei halo Rekursu hasoru Joao Cansio ba Tribunal Rekursu, tamba Lasimu desizaun balun husi tribunal Primeira Instansia.

Kazu Joao Cancio ninian ita lasimu desizaun ida nee, ita  hanoin atu halo rekursu tamba  valor preziuzu laos 700 Mil maibe 1.4 Mil  ita atu halo  kazu ida nee iha dentru prezu nee nia laran,” dehan Jose ba Jornalista Segunda (03/08/2015) iha Palasiu Prezidensial Nicolao Lobato.

Nia hatete Ministeriu Publiku konkorta parte balun, maibe parte balun laiha tamba nee presiza halo rekursu ba Tribunal Rekursu hodi nune bele hare ba kazu Joao Cancio nian, nebe desizaun tribunal primeira Instansia hatun tiha ona.

Liu husi Audensia Julgamentu Tribunal Distrital Dili (TDD) iha loron 20 fulan Juliu tribunal aplika pena prizaun tinan 7 ba arguidu Joao Cançio no selu indimizasaun ba estadu ho valor rihun $500. Enkuantu arguidu Tarsisio do Carmo tama kadeia tinan 3 fulan 6 no selu indimizasaun ho valor rihun $200. Informasaun kompletu iha STL Jornal no STL Web, edisaun Tersa (4/8/2015). Timotio Gusmao

Suara Timor Lorosae