Timór halo ezekusaun orsamentu efetivu maka hosi 35% iha fulan-jullu remata

Estadu Timór halo ezekusaun orsamentu efetiva, refere ba pagamentu ne’ebé ezekuta lolos nian, maka 35% iha fulan-jullu remata, ka besik dolar millaun 550 hosi valór totál anuál nian maka millaun rihun 1,57.

Análize ne’ebé halo ba dadus sira ne’ebé disponível iha Portal Transparénsia konfirma katak kontabiliza hotu pagamentu sira ne’ebé efetua ona tuir obrigasaun sira (ne’ebé asende ba dolar millaun 221) ezekusaun ne’ebé alkansa 49%.

Maski nune’e, milluan 550 maka rejistu ona hanesan seluk efetiva inklui transferénsia ida ho dolar millaun 133,4 ba Zona Espesiál Ekonomia Sosiál Merkadu (ZEESM) Oecusse no Ataúro.

Ho valór ida ne’e maka rejistu hanesan "pagamentu ne’ebé efetua ona" maski, iha termu lolos, só parte balun maka lolos nian ezekuta ona.

Iha perspetiva ne’e, ezekusaun orsamentu fulan hitu dahuluk nian iha realize hamutuk ona iha períodu 2014, bainhira to’o fulan-jullu remata selu hotu ona ho valór orsamentu dolar millaun 33%, ka 494,5.

Sura valór  obrigasaun, dolar millaun 255, ezekusaun ultrapasa 50%.

Keda iha ezekusaun orsamentu sai hanesan evidensia ida liuliu alínea boboot sira hosi konta públika, Fundu Infraestrutura.

Nune’e maka, to’o fulan-jullu selu ho valór 15% ne’ebé previstu ba tinan ida ne’e, sura hamutuk ba obrigasaun, taxa ezekusaun maka 31%.

Hanesan mós iha tinan 2014 Estadu selu ona orsamentu 19%, ho obrigasaun sira ne’e ezekuta ona ho totál 42%.

SAPO TL ho Lusa - Foto: Epifânio Sarmento @SAPO TL