Líder
norte-koreanu Kim Jong-un, eis-prezidente Kuba nian Fidel Castro ho líder
venezuelanu nebe mate tiha ona Hugo Chávez, no sira seluk, sei simu prémiu
tanba sira nia espíritu anti-imperialista hosi fundasaun ida indonéziu nian.
Rachmawati
Soekarnoputri, prezidente hosi Fundasaun Sukarno, nebe fó prémiu sira ne'e, fó
elojiu ba luta hosi líder premiadu sira ne'e tanba konsege "auto
sufisiénsia" hosi sira nia nasaun.
Oan-feto
hosi Sukarno, polítiku ida nebe lidera movimentu ba independénsia Indonézia
nian no hafoin ne'e sai nu'udar Prezidente nasaun nian, defenda ona distinsaun
ne'e, maski iha krítika ba "propaganda hosi nasaun osidentál sira".
Motivu
ida nebe hodi fó prémiu ba líder venezuelanu maka "susesu" hosi
sistema edukasaun públika nebe dezenvolve durante nia mandatu, haktuir hosi
fonte diplomátiku sira ba Efe.
Embaixadora
Kuba nian iha Indonézia, Nirsia Castro Guevara, sei simu prémiu Fidel Castro
nian no nia afirma ona, iha enkontru ida iha semana liubá ho Rachmawati, katak kondekorasaun
ne'e signifika prémiu ida "ba povu kubanu tomak", haktuir hosi portál
notísia RMOL.
Polémiku
liu maka distinsaun ba líder norte-koreanu tanba "nia dame, justisa no
humanidade", hatete hosi Rachmawati ba jornál Jakarta Post, prémiu ida
nebe, iha edisaun pasadu nian, entrega tiha ona ba Mahatma Gandhi ho Aung San
Suu Kyi.
Rachmawati
hatete katak akuzasaun falsu sira hasoru rejimi Pyongyang hanesan violasaun ba
direitu ema sira nian.
Iha
tinan 2001, fundasaun fó ona homenajen ba Kim Il-Sung, avó-mane hosi líder
atuál Kim Jong-un, líder ida nebe Sukarno uluk iha relasaun amizade ida.
SAPO
TL ho Lusa
Sem comentários:
Enviar um comentário