Francisco
ho Obama hamutuk iha relasaun ho imigrasaun no ba kestaun ekolójiku sira maibé
sira na'in rua la haluha konflitu sira nebe iha kona-bá liberdade relijiozu
sira no kestaun polémiku sira hanesan kazamentu homoseksual.
Barack
Obama simu Papa Francisco iha loron-kuarta ne'e iha White House, iha momentu
ida nebe importante tebes iha nia vizita iha Estadus Unidus no iha nia diskursu
boan-vindas nia husik kedas katak sei la haluha tema sira nebe preokupa hosi
Igreja amerikanu hodi diplomasia nia naran.
Prezidénsia
Obama nian hamosu nafatin konflitu sira entre ema katóliku ho governu, liuliu
tanba kestaun sira liberdade relijiozu sira. Iha nia reforma ba sistema saúde
nian - nebe koñesidu ho naran ObamaCare - Prezidente hakarak obriga
instituisaun relijiozu barak hodi fó ba nia funsionáriu sira seguru saúde nebe
inklui kobertura ba kontraseptivu sira no ai-moruk sira abortu nian, ho kastigu
ba pagamentu multa inkomportável. Seidauk hetan solusaun ida ba problema ne'e
no buat hotu hatudu katak iha Supremu Tribunál de'it ka administrasaun foun ida
mak se bele rezolve problema ne'e.
Iha
tempu hanesan administrasaun Obama maka, no ho enkorajamentu maka'as hosi nia
parte, nebe legaliza ona kazamentu entre ema sira ho seksu hanesan iha nasaun
tomak, nebe hamosu eventu oioin nebe Igreja interpreta hanesan ameasa todan ba
liberdade relijiozu. Iha kazu sira hosi pastelaria no florista nia na'in sira
nebe maka hetan muta tanba rekuza halo serbisu ba kazamentu homoseksuál sira no
foin lalais ne'e funsionária públiku ida hetan kaer tanba lakohi asina
sertidaun sira kazamentu nian hosi ema nebe ho seksu hanesan.
Obama
nia pozisaun hanesan mós klaru iha resepsaun ne'e, nebe nia konvida ativista
homoseksuál oioin, inklui profesór na'in ida nebe ema hasai hosi eskola katóliku
ida tanba iha kazamentu homoseksuál no Gene Robinson, bispu dahuluk ida nebe
hanesan homoseksuál iha istória Igreja Episkopalianu nian, ramu amerikanu ida
hosi Igreja Anglikanu.
Lahó
rodeiu
Papa
hahú nia diskursu ho jestu ida dame no enkorajamentu ba Prezidente no ba
demokrata sira iha jerál iha kestaun imigrasaun nian. Obama hatudu nafatin
hahalok ida toleránsia nian hodi rezolve drama hosi imigrante millaun atus
resin hosi Amérika Sentrál, liuliu hosi Méxiko, nebe loron-loron tama iha
Estadus Unidus, hasoru opozisaun hosi nia adversáriu republikanu sira.
"Hanesan oan-mane hosi família emigrante ida, ha'u senti haksollok tanba
sai hanesan hóspede hosi nasaun ne'e, nebe nia parte barak harii hosi família
sira ne'e", hatete hosi Papa.
Maibé
hafoin iha parágrafu seluk Francisco ko'alia iha "fidelidade ba prinsípiu
fundadór sira" hosi Estadus Unidus. Tenki haree katak nasaun ne'e harii
ona hosi baze ida respeitu nian ba konvivénsia relijiozu no liberdade relijioza
konsagra tiha ona iha emenda dahuluk Konstituisaun nian.
Papa
subliña mós katak motivu hosi nia vizita maka partisipasaun iha Enkontru
Mundiál ba Família sira, nebe sei hala'o iha Filadélfia, "nebe nia
finalidade maka selebra no apoia instituisaun sira matrimóniu no família nian,
iha momentu krítiku iha ita nia istória sivilizasaun nian".
Iha
kestaun homoseksualidade, Igreja no adversáriu seluk hosi mudansa konseitu
kazamentu natural nian hetan beibeik kritika hanesan intolerante no defensór ba
diskriminasaun nian. Maibé Papa husik loloos katak ne'e la'ós hatete katak
katóliku amerikanu sira hanesan kompromete "hodi harii sosiedade ida nebe
tolerante no inkluzivu tebes" no "iha rejeisaun ba dalan oioin
diskriminasaun injusta nian".
Maibé
ema katóliku sira preokupadu ho ameasa sira ba liberdade relijiozu nian,
Francisco hatete. "Liberdade ne'e sai hanesan konkista ida importante liu
hosi Amérika. No, hanesan ha'u nia maun-alin bispu sira hosi Estadus Unidus fó
hanoin ona, ita hotu tenki vijia, liuliu nu'udar sidadaun nebe di'ak, hodi
prezerva no defende liberdade ne'e hosi buat ida nebe bele halo perigu ka
kompromete".
Maibé,
Francisco hili lian konsiliadór nian, hodi refere ba preokupasaun ambientál
sira, nebe hanesan kauza ida nebe Vatikanu fahe hamutuk ho Washington.
Ikusmai,
no la refere diretu ba nia vizita antes ba Kuba, Papa fó elojiu ba
"esforsu sira nebe foin lalais halo hodi rekonsilia relasaun sira nebe
lakon tiha ona" no nebe konstitui "hakat ida ba oin iha dalan
rekonsiliasaun nian, justisa nian no liberdade nian", maibé nia akompaña
elojiu ne'e ho pedidu ida atu ema amerikanu sira "apoia esforsu hosi
komunidade internasionál hodi proteje ema fraku sira iha ita nia mundu no
promove modelu integrál sira no inkluzivu sira hosi dezenvolvimentu", nebe
bele saihanesan referénsia ida ba krizi refujiadu sira iha Europa, nune'e mós,
iha jerál, ba konflitu mundiál sira nebe sai hanesan orijen.
ho
Renascença
Foto:
Barack Obama simu Papa Francisco iha Andrews Air Force Base, iha Maryland, iha
Estadus Unidus, 22 Setembru 2015. EPA@ Saul Loeb
Sem comentários:
Enviar um comentário