Ministru
Interior (MI) Lounguinhos Monteiro, pasiensia tenki duni sai Komandante
ezersisiu Munisipiu Manufahi Inspektor xefi Fausti de Jesus Lima tanba
komandante Fausti simu telefone hosi nia membrus hodi koalia kona ba asuntu
servisu nian.
Akontesementu
ne’e akontese bainhira Ministru Interior hala’o hela diskursu Worksohp armas
kímika iha akademia Polisia Komoro, Tersa (22/09/2015).
“Hakarak
telefone sai ba liur ne’eba,” dehan Eis-Komandante Jeral PNTL ne’e hodi hapara
nia diskursu no haree membru ne’e sai tiha ba liur mak foin nia kontinua fali
diskursu.
Iha
fatin hanesan, Fausti de Jesus Lima haten telefone hosi komandu Munisipiu
ligasaun ho asuntu servisu nian.
“Ita
nudar komandante mak iha obrigasaun ita simu maibe fatin ne’e mak lafavorese
entaun Ministru haruka ha’u sai ba liur,” dehan nia.
Nia
hatutan, nudar ema sempre sala tanba ne’e mak nia ba husu deskulpa ba Ministru,
tanba deit avija ona maibe nia la taka telefone hodi ekomoda diskursu Ministru
nian.
Entertantu,
Komandante Jeral PNTL Komisiariu Julio da Costa Hornay dehan, antes ne’e avizu
ona katak tenki halo silensiu Telefone maibe nudar ema la ses hosi sala
derepenti akontese tiha ona mak foin senti.
“Ministru
fo atensaun ne’ebe mak diak Kuandu nai ulun sira diskursu ita hotu telefone ita
taka karik telefone mai taka tiha SMS deit katak hau sei inkontru hela depois
mak telefone ba,” dehan Julio.
Nia
hatutan, membru ne’e ba ona husu deskupla ba Ministru maibe deskulpa ona la
bele halo sala tan, se halo tan ne’e signifika nia mak hakarak halo duni. nes
Jornal
Nacional
Sem comentários:
Enviar um comentário