DILI
- Kompañia nasional Rubic Group asina Memorandum of Understanding (MoU) ida ho
kompañia Malazia hodi loke fabrika iha Timor-Leste. Asina MoU ne’e hanesan
ba dala rua ona entre kompañia Ruvic group ho kompañia nasional hodi haluan tan
sira nia servisu ba iha area oin oin.
“Ita
asina koperasaun servisu entre kompañia Malazia ho ita nian, ba iha area balun
kona ba treinamentu nomos investimentu kona ba insdustria no sira hakarak atu
loke industria balun iha ne’e tanba durante ne’e ami servisu hamutuk tiha ona
no ida ne’e servisu hamutuk ba dala rua nian,” dehan diretor Ruvic Group Rui
Castro ba BT depois remata Asina MoU ne’ebe realiza iha Zella Restorante
Meti-aut kuarta (14/10).
Nia
dehan durante ne’e kompañia Ruvic group servisu hamutuk ona ho kompañia
Malazia, iha area infranstrutura nomos importasaun mina husi mai Timor-Leste no
oras ne’e dadaun kontinua hametin liu tan kooperasaun hodi loke investimentu
fabrika. Wainhira BT husu kona ba modelu investimentu diretor ne’e la fo
klaru informasaun ho razaun foin mak hato’o proposta ba iha Ajensia
Especializada Investimentu hodi fo lisensa.
“Fabrika
ne’ebé mak atu loke iha Timor liga ba iha nesesidade Timor-Leste nian maibe hau
lalika hatete lai kona-ba fabrika saida tanba ida ne’e sei loke haree ba iha nesesidade
dezenvolvimentu Timor-Leste no ami hatama tiha ona proposta ba iha investimentu
no sira estuda hela proposta investimentu ne’e hodi haree rezultadu hodi bele
fo lisensa atu bele halo ona investimentu iha Timor-Leste no espera lisensa fo
lalais iha tinan 2016 bele lao ona,” dehan nia.
Kona
ba lokalizasaun fabrika refere , Rui dehan posibilidade sei loke besik iha
Dili. Nia mos afirma katak kona-ba investimentu refere kapital 54% husi
kompañia Malazia no 46% husi Ruvic Group. “Fabrika ne’e sei loke iha Dili
besik iha kapital Dili, kona-ba investimentu ne’ebe mak iha sira nia kapital
boot liu ita porvolta 54 no Ruvic group 46%”, hateten nian. Iha biban ne’e
mos BT hakbesik ba iha Probase Manufacturing SDN BHD, Seow Cheng Soon mos la fo
komentariu tanba investimentu refere foin realiza kooperasaun servisu seidauk
iha implementasaun tanba sei hein lisensa husi Ajensia Especializada
Investimetnu.
“Hau
sidauk bele fo komentariu tanba foin mak ita asina MoU no sidauk iha
implementasaun ba iha investimentu ne’e tanba sei hein lisensa husi Ajensia
Investimentu,”dehan Seow ho lian Inglesh. Nia dehan bainhira hetan ona
lisensa foin bele fo sai infromasaun ba iha publiku kona ba investimentu
refere. Iha biban ne’e mos vise presidente CCI-TL, Joao Alves hateten katak
asina MoU refere nudar joint venture entre kompañia Rubic grup ho Kompañia
Malazia hodi halo Investimentu iha TL.
Kona-ba
Investimentu refere nia mos laiha koñesementu maske enkontru ho delegasaun
Malazia direje direitamente husi Joao Alves. Iha biban ne’e mos nia afirma
katak enkontru CCI-TL ho delegasaun Malazia nudar dalan ida hodi kria ligasaun
no oportunidade ba iha prezidente CCI munsipiu sira hodi halo komunikasaun no
koordenasaun entre delegasaun sira hodi haree mos kona-ba investimentu balun ne’ebé
bele halo iha futuru.
“Enkontru
ne’e mos ita loke oportunidade ba iha prezident munsipiu sira atu bele iha
kontaktu direitamente negosiante sira husi Malazia atu haree oportunidade saida
mak bele halo iha futuru,” dehan Vice Prezidente ne’e. Tuir nia
durante ne’e setor privadu depedensia makas liu ba iha projetu governu nian tan
ne’e liu husi dalan refere oinsa bele kria ligasaun hodi bele haree
oportunidade balun ne’ebe diak iha futuru liu –liu iha investimentu
produtividade ne’ebé nasaun foun ne’e iha.
Iha
sermonia Asina MoU ne’ebé realiza iha Restorante Zella marka prezensa mos
husi delegasaun emprezarial husi Malazia hamutuk nain 10 inklui mos Membru
CCI-TL, Banku BNU,ANZ, Timor Telekom, SDV, nomos Prezidente CCI husi Munisipiu
balun. (BT)
Business
Timor
Sem comentários:
Enviar um comentário