Eskolla
sai sidadaun Indonézia iha pós-Referendu tinan 1999 liu-ba sai hanesan orgullu
ida ba Cornélio da Costa Marçal (55).
Mane
ne’ebé mai hosi Holarua, Same, Timor-Leste, ikus mai sai komunidade
Sukabitelek, Suku Leontolu, Sub-distritu Raimanuk, Distritu Belu, Nusa Tenggara
Timur (NTT), Indonézia.
Maske
nune’e, dedikasaun no nasionalizmu ne’ebé Cornélio hatudu ba Indonézia durante
ne’e la hetan konsiderasaun hosi governu sentrál to’o lokál.
“To’o
oras ne’e ami seidauk iha rai rasik. Ami okupa de’it ema nia rai hodi hela no
uza hodi halo natar no toos. Ne’e akontese ona dezde tinan 1999 to’o agora.
Afinal, uluk governu provínsia NTT promete ba ami atu oferese uma no rai ba
ami,” dehan Cornélio ba Kompas.com, Sábadu (03/10/2015).
Nune’e
mós, nia dehan, atetudi diskriminativu ne’e governu lokál no komunidade NTT
bebeik ona hatudu ba nia ho eis sidadaun Timor sira seluk.
Foin
lalais ne’e, ninia balun feto ida mate. Nia iha hanoin atu hakoi mate isin ne’e
iha semitériu públiku iha Kampu Sukabitelek. Maibé, komunidade sira iha ne’ebá
la fó lisensa.
“Tanba
ida ne’e, obrigatoriamente ami hakoi de’it iha ai-laran tuan ne’ebé ho
distánsia kilómetru 5 hosi uma. Tanba laiha transporte, ne’eduni iha momentu
ne’e ami hulan de’it,” Cornélio haktuir.
Aleinde
laiha toos, Cornélio konfesa katak kondisaun ekonomia sai hanesan razaun ida
nune’e nia ho nia família hakarak fila hikas ba Timor-Leste (repatriasaun).
Kompas.com
Matadalan
Sem comentários:
Enviar um comentário