Negosiasaun Fronteira Maritima, Responsabilidade Alkatiri, Xanana-Horta

DILI - Negosiasaun Fronteira Maritima entre Timor Leste no Australia neebe oras nee seidauk bele deskuti, responsabilidade Mari Alkatiri, Kay Rala Xanana Gusmao, no Jose Ramos Horta tamba sira mak futu lia ba malu hodi halo asina akordu ho Australia.

Tuir Reitor Universidade da Paz (UNPAZ) Lucas da Costa katak Problema negosiasaun fornteira maritime entre Timor Leste no Australia, nebe durante nee seidauk bele halo negosiasaun nee responsabiloidade ulun boot nasaun nian.

Problema negosiasaun nee (fronteira Maritima red) laos problema povu tomak ninian maibe problema deit ba Mari Alkatiri, Xanana no Ramos Horta tamba sira nian tolu mak futulia ba malu hodi halo asina akordu ho Australia,” dehan Lucas ba STL Segunda (05/10/2015) iha Kampus UNPAZ, Aimutin.

Nia hatete laos povu Timor tomak mak ba asina Akordu no Australia maibe ulun boot sira nebe mak halao akordo ho Australia nee mak tenki iha responsabilidade nebe boot, hodi fo resposta ba povu kona ba negosiasaun fronteira Maritima nee.

Iha fatin hanesan Reitor IOB, Augoto Soares hatete negosiasaun fronteira maritima nee universidade la tama konta, maibe ukun nain sira nebe mak uluk asina akordu ho nasaun Australia mak tenki asumi responsabilidade. Informasaun kompletu iha STL Jornal no STL Web, edisaun Tersa, (6/10/2015). Timotio Gusmao

Suara Timor Lorosae