Primeiru-ministru
portugés, António Costa, iha loron-segunda ne'e, iha Estokolmo, reaje hasoru
operasaun diplomátiku sira "oras ikus nian" iha kandidatura ba kargu
sekretáriu-jeral ONU nian no nia hein katak manán efetivamente "ida ne'ebé
di'ak liu" maka António Guterres.
Iha
konferénsia imprensa ida ne'ebé halo hamutuk ho nia homólogu sueku, António
Costa, bainhira hatán ba imprensa sueku kona-ba kandidatura ba lideransa ONU,
nia reforsa katak António Costa maka "kandidatu di'ak liu, hanesan iha
votasaun konsekutivu lima membru sira hosi Konsellu Seguransa bele hatudu iha
fulan hirak ne'e nia laran".
Xefe
hosi Governu sueku, Stefan Löfven, bainhira hatán ba jornalista portugés sira
kona-ba kandidatu António Guterres no entrada ba kandidatura hosi búlgara
Kristalina Georgieva, visi-prezidente hosi Komisaun Europeiu ne'ebé sai
kandidatu iha "oras ikus", Löfven hatete de'it katak "Suésia la
apoia kandidatu ida iha partikular", rekoñese katak kandidatu portugés
hanesan "kualifikadu tebes hanesan sira seluk".
António
Costa dezenvolve tan asuntu ne'e, hodi defende fali António Guterres no oinsá
maka prosesu eleisaun nian hala'o to'o agora.
"Ami
hanoin katak hanesan hakat pozitivu ida ONU, ba dala uluk, adopta prosesu
transparente ida (…) no agora eskolla ne'e la halo iha aprovasaun sira entre
akordu diplomátiku sira maibé halo ho dalan nakloke. No tanba ne'e ami la fiar
katak sei pozitivu atu esforsu transparénsia ne'e hetan ameasa iha oras ikus ho
operasaun diplomátiku sira ne'ebé la valoriza serbisu ne'ebé hosi kandidatu
sira oioin hosi nasaun sira no kontinente sira, ne'ebé iha fulan hirak nia
laran halo parte iha diskusaun públiku hodi hatene sé maka di'ak liu. Buat
ne'ebé ami hakarak maka manán ema ida ne'ebé di'ak liu", nia deklara.
SAPO
TL ho Lusa
Sem comentários:
Enviar um comentário